കൂതറ | കുക്കൂതറ

അവര്‍ അവനെ കൊന്നു...!

2011-07-25T12:43:00.001+05:30

ഇക്കയുടെ ബോധം തെളിയുന്നത് വരെ ഞാനും ഉപ്പയും പുറത്ത് അക്ഷമയോടെ കാത്ത് നിന്നു. ഞങ്ങളെ പോലെ ഒത്തിരി പേര്‍ അവിടെ ഉണ്ടായിരുന്നു. എല്ലാവരുടെ മുഖത്തും മ്ലാനത. ആരും ഉറക്കെ സംസാരിക്കുന്നില്ലാ. എല്ലാ I.C.U. വും ഇതുപോലെ തന്നെ ആയിരിക്കും. ഓപ്പറേഷന്‍ കഴിഞ്ഞാല്‍ ഒരു ദിവസത്തോളം I.C.U. ല്‍ കിടത്തും. അനസ്തേഷ്യയുടെ സ്വധീനം തീര്‍ന്ന് ഭക്ഷണം കഴിക്കാനുള്ള അവസ്ഥ ആയാലേ റൂമിലേക്ക് മാറ്റൂകയുള്ളൂ എന്ന് മുമ്പേ അറിയിച്ചിരുന്നു.

ഇക്കാക്ക് ബോധം വന്നെന്നും ഒരാള്‍ക്ക് അകത്ത് കയറി കാണാമെന്നും അറിയിച്ചപ്പോ ഉപ്പ അകത്ത് കയറി. ഇത്തിരി നേരം കഴിഞ്ഞപ്പോ എനിക്കും അകത്തേക്ക് ചെല്ലാനുള്ള അനുവാദം കിട്ടി. ഇക്കാനെ കാണാന്‍ അകത്ത് കയറിയ എനിക്ക് ആദ്യം കാണാന്‍ കഴിഞ്ഞത് ഇക്ക കിടക്കുന്നതിനരികിലെ ബെഡ്ഡില്‍ കിടന്ന് കരയുന്ന ഒരു പയ്യനെയാണ്. ശ്വാസം വലിക്കാന്‍ അവന്‍ ഒരുപാട് പ്രയാസപ്പെടുന്നുണ്ടായിരുന്നു‍.
പിന്നീടാണറിഞ്ഞത്, പന്ത് കളിക്കിടെ കാല്‍തെറ്റി വീണ് നട്ടെല്ലിന് മൂന്ന് പൊട്ടലുകള്‍ സംഭവിച്ച് അത്യാസന്ന നിലയില്‍ ആണ് ആ പയ്യനെന്ന്. അവന്‍ ഏങ്ങലടിച്ച് കരയുന്നതാണ് ശ്വാസ തടസ്സമായി എനിക്ക് തോന്നിയത്. എന്തോ, അവനെ കൂടുതല്‍ നോക്കി നില്‍ക്കാന്‍ ആയില്ലാ. ഇത്തിരി നേരം ഇക്കാക്കരികില്‍ നില്‍ക്കാന്‍ അനുവാദം ലഭിച്ചെങ്കിലും ആ പയ്യന്റെ അവസ്ഥ കണ്ടപ്പോ അവിടെ നില്‍ക്കാന്‍ ഒട്ടും തോന്നിയില്ലാ. ഉടനെ തന്നെ I.C.U. വില്‍ നിന്ന് പുറത്ത് കടക്കാന്‍ ഒരുങ്ങി. ഞാന്‍ പയ്യനെ ശ്രദ്ധിക്കുന്ന അത്രയുംനേരം ഇക്ക ഉപ്പയോട് എന്തൊക്കയോ സംസാരിക്കുന്നുണ്ടായിരുന്നു.

അടുത്ത ദിവസം തന്നെ ഇക്കയെ റൂമിലേക്ക് മാറ്റി. ചെരിഞ്ഞ് കിടക്കാനും, ഇരിക്കാനും, പയ്യെ നടക്കാനും ആകുന്നത് വരെ ഉപ്പയായിരുന്നു അവന്റെ കൂട്ടിന്. ഡിസ്ചാര്‍ജ് ചെയ്യുന്ന ദിവസമാണ് ഞാന്‍ വീണ്ടും ഹോസ്പിറ്റലിലേക്ക് പോയത്. അന്നേരമാണ് വീണ്ടും ആ പയ്യനെ പറ്റി കേള്‍ക്കാനിടവന്നത്.
സ്കൂളില്‍ പന്ത് കളിക്കിടെ വീണതായിരുന്നത്രെ ആ 12 വയസ്സ് കാരന്‍. നിര്‍ദ്ധന വീട്ടിലെ അവനെ സ്കൂളിലെ കുട്ടികളും അദ്ധ്യാപകരും പിരിവെടുത്താണ് നാലുനാളിനു ശേഷം കൂടുതല്‍ സൌകര്യമുള്ള ഈ ഹോസ്പിറ്റലില്‍ എത്തിച്ചത്. പയ്യന്‍ രക്ഷപ്പെടില്ലാ എന്ന് അദ്ധ്യാപകരേയും പയ്യന്റെ കൂടെ ഉള്ളവരേയും ഡോക്റ്റര്‍ അറിയിച്ചിരുന്നെന്ന് പിന്നീട് മനസ്സിലാക്കാനായി.

അനസ്തേഷ്യയുടെ മയക്കം കഴിഞ്ഞ് പാതി ബോധത്തില്‍ I.C.U. ല്‍ കിടന്ന ഇക്കാക്ക് തുടക്കത്തില്‍ അറിയാന്‍ കഴിഞ്ഞത്, വെളുത്ത് മെലിഞ്ഞ ഒരു നേഴ്സ് ആരോടോ കയര്‍ത്ത് സംസാരിക്കുന്നതാണ്. തുടര്‍ന്ന് കയ്യിലുള്ള സ്റ്റീല്‍റൂള്‍ കൊണ്ട് ആരേയോ അടിക്കുന്നതും കഴിക്കാന്‍ നല്‍കിയ ഭക്ഷണം തുപ്പിക്കളയുന്നു എന്ന കാരണത്താലും ഉച്ചത്തില്‍ കരയുന്നു എന്ന കാരണത്താലും തുടരെ ശകാരിക്കുന്നതും തുപ്പുന്നത് നിര്‍ത്താന്‍ തോര്‍ത്ത് കൊണ്ട് വായ മൂടി കെട്ടാന്‍ ഒരുങ്ങുന്നതുമാണ്.

I.C.U. വിലെ അവസ്ഥ യഥാവിധം മനസ്സിലായി തുടങ്ങിയപ്പോഴാണ്. ശകാരിക്കുന്നതും ക്രൂരമായി പെരുമാറുന്നതും മരണം കാത്ത് കിടക്കുന്ന ആ 12 വയസ്സുകാരനോടാണെന്ന് ഇക്കാക്ക് മനസ്സിലായത്. അന്ന് I.C.U. വില്‍ കയറിയ ഞാന്‍ ആ പയ്യനെ ശ്രദ്ധിക്കുന്ന സമയമത്രയും ഇക്ക ഉപ്പയോട് അടുത്ത് കിടക്കുന്ന പയ്യനെ അവര്‍ ഉപദ്രവിക്കുന്നു എന്നാണ് പറഞ്ഞു കൊണ്ടിരുന്നത്. ഓപ്പറേഷന്‍ കഴിഞ്ഞ് ബോധം തിരിച്ച് കിട്ടി ആദ്യമായി ഇക്ക സംസാരിക്കുന്നത് തന്നെ ആ പയ്യനെ കുറിച്ചായിരുന്നു.

അതെ അവര്‍ അവനെ കൊന്നു..!
ക്രൂരമായി തന്നെ കൊന്നു.

ഇക്ക I.C.U. വില്‍ നിന്നിറങ്ങിയ പിറ്റേ ദിവസം വൈകീട്ട് ആ 12 വയസ്സ്കാരന്‍ മരണപെട്ടു.

മരണത്തിനു കീഴടങ്ങാന്‍ മാത്രം പ്രശ്നങ്ങള്‍ അവന്റെ വീഴ്ച്ചയില്‍ ഉണ്ടായിട്ടുണ്ടാവാം എന്ന് മനസ്സിലാക്കുന്നു. അവന്റെ മരണം മുമ്പേ ഉറപ്പായിരുന്നിട്ടും എന്തിനവനോട് ഇവ്വിധം പെരുമാറി..! ഈ ലോകത്ത് ജീവിക്കുന്ന അവസാന നിമിഷം വരെ അവന് ഇത്തിരി ആശ്വാസം നല്‍കാമായിരുന്നില്ലേ..!
അതെ നിങ്ങള്‍ അവനെ കൊന്നു...! ക്രൂരമായി തന്നെ മരണത്തിലേക്ക് തള്ളിവിട്ടു.

മരണത്തെ മുഖാമുഖം കണ്ടും കൊടിയ വേദനയോട് മല്ലിടുകയും ചെയ്യുന്ന സമയം അവയോട് പ്രതികരിക്കുന്ന രീതിയുടെ വികലതക്ക് നല്‍കേണ്ട ശുശ്രൂഷയായിരുന്നോ ആതുര സേവകരേ നിങ്ങള്‍ അവന് നല്‍കിയത്.
വേണ്ടായിരുന്നു, പാടില്ലായിരുന്നു ഇത്രയും ക്രൂരത ആ പയ്യനോട്.
വാക്കുകള്‍ കൊണ്ടും പുഞ്ചിരി കൊണ്ടും സന്തോഷത്തിന്റെ ചെറുകണം നല്‍കാന്‍ കഴിയാതിരുന്ന ആതുര സേവകരേ നിങ്ങള്‍ കൊന്നതാ അവനെ അതും അതിക്രൂരമായി തന്നെ..!!

തുഞ്ചന്‍ മീറ്റ് | കണ്ടു, സംസാരിച്ചു, കുറേ ചിരിച്ചു

2011-04-18T15:45:00.009+05:30

മീറ്റിലെ ഞാന്‍.
മീറ്റിനു വേണ്ടി തലേ ദിവസം വൈകീട്ട് തന്നെ തുഞ്ചന്‍ പറമ്പിലേക്ക്. അവിടെ എത്തിയപ്പോ നല്ല രസം. കുറേ പേര്‍ അവിടെ ഉണ്ടായിരുന്നു. എല്ലാവരും കൂടി രാത്രി നല്ല രസകരമാക്കി. മീറ്റിന്റെ അന്ന് ചെയ്യേണ്ട കാര്യങ്ങളെ പറ്റി ഉള്ള സംസാരത്തില്‍ കളിയാക്കലുകളും ചീത്തപറച്ചിലുകളും മറ്റുമായി ഉറങ്ങാന്‍ കുറേ വൈകി. എന്നാലും മീറ്റിന്റെ ത്രില്ലില്‍ രാവിലെ നേരത്തെ ഉണര്‍ന്നു. മീറ്റ് ബാനര്‍ (ഫ്ലെക്സ് ബോഡ്) ഗേറ്റിലും മീറ്റ് ഹാളിലും കെട്ടാനായി പുറപ്പെട്ടു. അര മണിക്കൂര്‍ കൊണ്ട് അവ ഭംഗിയാക്കി. രാവിലെ 7,30 മുതല്‍ തന്നെ മീറ്റിനായി ബ്ലോഗര്‍മാര്‍ എത്തിത്തുടങ്ങിയിരുന്നു. ഭക്ഷണം കഴിക്കാനായി വണ്ടിയുമായി അതില്‍ കൊള്ളുന്നവരെ കൂട്ടി ടൌണിലെത്തി. ഭക്ഷണം കഴിച്ച് ചുമ്മാ ഇറങ്ങിപ്പോന്നു. കൂടെ ഉള്ളവരിലാരോ കാശ് കൊടുത്തിരുന്നു.

തിരിച്ച് വന്ന് കുളിക്കാന്‍ മടി ഉണ്ടായെങ്ങിലും മീറ്റല്ലേ എല്ലാവരും വരുന്നതല്ലെ എന്നും കരുതി കുളിച്ചു. പിന്നെ ഡ്രെസ്സ് മാറി മീറ്റ് ഹാളിലേക്ക്. പേര് റെജിസ്റ്റര്‍ ചെയ്തപ്പോ എനിക്കും കിട്ടി ഒരു കാഡും ടാഗും. അതും കഴുത്തിലിട്ട് വരുന്നവരെ കാണാനുള്ള ത്രില്ലോടെ മെയിന്‍ എന്‍ഡ്രന്‍സിലേക്ക്. കൂട്ടമായും ഒറ്റയായും കുറേ പേര്‍ വന്നു. എല്ലാവരേയും കണ്ടു. സംസാരിച്ചു കുറേ ചിരിച്ചു.

പയ്യെ മീറ്റ് ഹാളി പോയി. ഞാനും എന്നെ പറ്റി പറഞ്ഞു
"ഞാന്‍ ഹാഷിം. ബ്ലോഗില്‍ കൂതറ ഹാഷിം. പോസ്റ്റുകള്‍ ഒന്നും അധികമില്ലാ. വായിക്കുന്നതിലൊക്കെ കമന്റ് ഇടാറുണ്ട്. ഉടക്ക് കമന്റുകളോട് കൂടുതല്‍ തല്പര്യം"
ഇത്രയും പറഞ്ഞ് വീണ്ടും മീറ്റിന് വന്നുകൊണ്ടിരിക്കുന്നവരെ കാണാന്‍ പുറത്തിറങ്ങി. അതിനിടയില്‍ വന്ന രണ്ട് കോളുകള്‍ ലൌഡ് സ്പീക്കറില്‍ ഇട്ട് മൈക്കിനോട് ചേര്‍ത്ത് പിടിച്ച് അവര്‍ക്ക് പറയാനുള്ള ആശംസകള്‍ എല്ലാവരേയും കേള്‍പ്പിച്ചു. മീറ്റിന് വരാന്‍ ആഗ്രഹിച്ചിട്ടും കഴിയാതെ പോയ അവരുടെ സാന്നിദ്ധ്യവും എല്ലാവര്‍ക്കും കിട്ടി.

വിക്കീപീഡിയ ക്ലാസിനു മുമ്പേ കിട്ടിയ അരമണിക്കൂര്‍ കൊണ്ട് ബ്ലോഗ് വായനശാല എന്ന ആശയത്തെ കുറിച്ച് ഒരു ചെറു വിവരണം നല്‍കി. അതുകൂടി കഴിഞ്ഞപ്പോ ആശ്വാസം തോന്നി ഇനി ഫ്രീയായി നടക്കാം. എല്ലാവരേയും കാണാം, സംസാരിക്കാം, കുറേ ചിരിക്കാം.

ഒത്തിരി പേരോട് കുറേ നേരം സംസാരിച്ചു. ഒരാളില്‍ നിന്ന് മറ്റൊരാളിലേക്ക്, ഒരു കൂട്ടത്തില്‍ നിന്ന് മറ്റൊരു കൂട്ടത്തിലേക്ക് ഓടി നടന്ന് എല്ലവരേയും കണ്ടു, സംസാരിച്ചു, കുറേ ചിരിച്ചു.
തുഞ്ചന്‍ മീറ്റില്‍ കണ്ടവരെ എല്ലാം പേരെടുത്ത് എഴുതാന്‍ തുനിഞ്ഞാല്‍ മീറ്റിനു വന്ന 150 ഓളം ബ്ലോഗര്‍മാരേയും കൂടെ വന്ന 30 ഓളം പേരുകളും എഴുതേണ്ടി വരുമെന്നതിനാല്‍ തന്നെ ആരേയും പേരെടുത്ത് പറയുന്നില്ലാ. മീറ്റിനു വന്ന ഒരാളെ പോലും നേരില്‍ കാണാതെ പോയിട്ടില്ലാ എന്നു തന്നെ വിശ്വസിക്കുന്നു.

2 മണിയോടെ ഊണ്‍ കഴിക്കാന്‍ ഊട്ടു പുരയിലെത്തി. നല്ല വാഴയിലയില്‍ ഒരു കിടിലം സദ്യ കിട്ടി. അവസാ‍നം ഒരു ഗ്ലാസ് പായസവും. ഊണ് കഴിഞ്ഞതില്‍ പിന്നെ മീറ്റ് ഹാളിലേക്ക് പോയില്ലാ. അവിടിവിടെ കൂടി നിക്കുന്നവരിലേക്ക്, പടമെടുക്കുന്നവരിലേക്ക് ഞാനും ചേര്‍ന്നു. തുഞ്ചന്‍ പറമ്പ് നിറയെ കൂട്ടുകൂടാന്‍ കുറേ പേര്‍. എല്ലവരേയും കണ്ടു, സംസാരിച്ചു, കുറേ ചിരിച്ചു. മീറ്റിന്റെ അവസാന സെക്ഷനില്‍ ബ്ലോഗില്ലാത്തവരുടേയും പുതു ബ്ലോഗര്‍മാരുടേയും ആവശ്യ പ്രകാരം ഇത്തിരി കാര്യങ്ങളും അവര്‍ക്കുള്ള ചില സംശയങ്ങളും എനിക്കറിയാവുന്ന രൂപത്തില്‍ പറഞ്ഞു കൊടുക്കാന്‍ കഴിഞ്ഞു.

മീറ്റ്. കൂതറ കണ്ണിലൂടെ
ബ്ലോഗെന്ന ആശയത്തെ നെഞ്ചോട് ചേര്‍ത്തവരേക്കാളും ആവേശപൂര്‍വം ചേര്‍ക്കാന്‍ ആഗ്രഹിക്കുന്നവരാല്‍ സംഭവ ബഹുലമായ തുഞ്ചന്‍ മീറ്റില്‍ പങ്കെടുക്കാന്‍ കഴിഞ്ഞതില്‍ ഒത്തിരി ഒത്തിരി സന്തോഷം തോന്നുന്നു.
ഒറ്റവാക്കില്‍ പറയാവുന്നത്: മറക്കില്ലൊരിക്കലും തുഞ്ചന്‍ മീറ്റെന്‍ മനം. ഒരുപാടിഷ്ട്ടായി. കുറേ പേരെ കണ്ടു, സംസാരിച്ചു, കുറേ ചിരിച്ചു.

മുന്‍കരുതല്‍

2011-02-13T15:52:00.000+05:30

U R kindly informed dat 

കൂതറാܓ's mobile +919895460920 

vil b switched off on Feb 14 

to avoid unwanted proposals. 

pls inform all girls

മരണം, അത് അനിവാര്യം

2011-02-01T19:46:00.001+05:30

-മനുഷ്യനെ എന്നും നിസ്സാരവല്‍കരിച്ചവന്‍ മരണം.
-ലോകവും, വാനവും കീഴടക്കുമ്പോലും മനുഷ്യന്‍ തനിക്ക് മുമ്പില്‍ ഒന്നുമല്ലെന്ന് ഉറക്കെ വിളിച്ച് പറയുന്നവന്‍ മരണം.
-മനുഷ്യന് കീഴടക്കാന്‍ കഴിയാഞ്ഞതും, ഏതൊരുവനേയും നിഷ്‌കരുണം കീഴടക്കുന്നവനും മരണം.

ഇന്ന് വൈകീട്ട് വന്ന ഒരു മെയില്‍ വഴിയാണ് പ്രിയ സുഹൃത്ത് ഷാനിയുടെ മരണം അറിഞ്ഞത്

സുഹൃത്തേ,
യാദ്രിശ്ചികമായാണ് താങ്കളുടെ പോസ്റ്റ്‌ കണ്ടത്.മുഹമ്മദ്‌ ഷാനി 31-01-2011 ലെ രാത്രി മരണപ്പെട്ട വിവരം അറിയിക്കുന്നു.
അയല്‍വാസിയും,ആദര്‍ശസുഹൃത്തുമായ അന്‍സാരി .

എന്റെ ജീവിതത്തിലെ ഒരു നിര്‍ണ്ണായക പ്രതിസന്ധി ഘട്ടത്തെ കുറിച്ച് വിവരിച്ച ദുരിതക്കിടക്കയില്‍ പ്രാര്‍ഥനയോടെ.. എന്ന പോസ്റ്റില്‍ ഷാനിയെ പറ്റി പറഞ്ഞിരുന്നു.
ദുഖത്തിന് മരണത്തെ പിടിച്ച് നിര്‍ത്താന്‍ കഴിയുമായിരുന്നെങ്കില്‍ അത് ഷാനിയുടെ കാര്യത്തില്‍ സാധിക്കുമായിരുന്നു.

ഇന്ന് എനിക്ക് കൂട്ട് ഷാനിയുമായുള്ള കൂട്ടുകെട്ടിന്റെ കുറേ നല്ല ഓര്‍മകളും ഒന്ന് രണ്ട് ഫോട്ടോകളും.

പ്രിയ കൂട്ടുകാരാ, ഒരു മരണത്തിനും എന്നില്‍ നിന്ന് നിന്നുടെ ഓര്‍മകളെ പിന്‍വലിക്കാന്‍ സാധ്യമെല്ലെന്ന് ഈ ലോകത്തോട് ഉറക്കെ വിളിച്ച് പറയാനായി ഞാനിവ ഇവിടെ കുറിക്കുന്നു.
നിന്റെ പുഞ്ചിരിക്കുന്ന മുഖം എന്നുമെനിക്ക് കാണുന്നതിനായി നിന്റെ രണ്ട് പടവും ചേര്‍ക്കുന്നു.

പറയാന്‍ ഇനി എനിക്ക് വാക്കുകളില്ലാ.
ഒന്നു മാത്രം അറിയാം
ഞാനും നീയും യാത്രയാകും, എന്റെ ഷാനി യാത്രയായപോലെ.....

സ്നേഹ സമ്മാനം

2011-01-20T11:42:00.000+05:30

ഇന്നലെ മുതൽ വിരലുകൾക്ക് ഇത്തിരി ഭാരം. സ്നേഹത്തിന്റെ, ഇഷ്ട്ടത്തിന്റെ സമ്മാനം.

കിട്ടുന്നത് വരെ, കാണുന്നത് വരെ നല്ല ആവേശത്തിലായിരുന്നു
നാട്ടിൽ എത്തിയിട്ടുണ്ടെന്ന് അറിഞ്ഞിട്ടും എനിക്ക് കിട്ടത്തതിന്റെ വിഷമത്തിൽ മൂന്ന് നാൾ. കുറേ ശ്രമിച്ചു എത്രയും പെട്ടെന്ന് അത് കരസ്തമക്കാൻ. റാഷിദിന്റെ കയ്യില്‍ എത്തിയ ആ കുഞ്ഞു പെട്ടി ബസ് വഴി വിടാമെന്നവന്‍ പറഞ്ഞപ്പോ ഒത്തിരി സന്തോഷം തോന്നി.
പിന്നീട് വന്ന എസ് എം എസ്സിൽ..
കെ എൽ 08 എ ആര്‍ 2728
പീ വി ട്ടി ബസ്
സമയം 3.15
മൊബൈല്‍ : 9656XXXXXX

ഓഫീസിൽ നിന്ന് നേരത്തെ ഇറങ്ങാൻ സമ്മതിക്കുമോ എന്നറിയില്ലാ…. എന്തായാലും പോകണം. അല്ല പോകും
2.15 ൻ തന്നെ ഓഫീസിൽ നിന്നിറങ്ങി. നേരെ ശക്തൻ തമ്പുരാൻ ബസ്റ്റാന്റിലേക്ക്
അവിടെ എത്തും വരെ മനസ്സിൽ കുളിരായിരുന്നു. നേടാൻ പോകുന്ന സമ്മാനത്തിന്റെ ആവേശം…
സ്റ്റാന്റിലെത്തി പീവീട്ടി എപ്പളാ വരാന്ന് ചോദിച്ചപ്പോ മറ്റൊരു ബസ്‌കാരൻ പറഞ്ഞു അത് ഇനിയും അരമണിക്കൂർ കഴിഞ്ഞേ വരൂന്ന്
അയ്യോ ഇനിയും കത്ത് നില്‍ക്കാൻ എന്നിലെ ആവേശത്തിന് കഴിയില്ലാ… പിടിച്ച് നില്‍ക്കുക തന്നെ മാര്‍ഗമുള്ളൂ. അടുത്ത കടയിൽ കയറി 20 രൂപക്ക് എയർടെൽ റീചാർജ് കൂപ്പൺ വാങ്ങി. റാഷി അയച്ച് തന്ന ബസ്സ് ജീവനക്കാരന്റെ മൊബൈലിലേക്ക് വിളിച്ചു.

ദേ അവർ സ്റ്റാന്റിൽ എത്തിയിട്ടുണ്ടെന്ന്… സന്തോഷം കൊണ്ട് ഇനി എന്താ പറയാന്ന് അറിയുന്നില്ലാ….
എവിടെ..? ബസ്സിന്റെ നിറം…. നില്‍ക്കുന്ന സ്ഥലം..? ഒറ്റ ശ്വാസത്തിലയിരുന്നു ചോദ്യം… ബസ്സുകാരന് ഞാൻ ചോദിച്ചതൊന്നും മനസ്സിലായില്ലാ… എനിക്ക് തന്നെ മനസ്സിലാവാത്ത അത്രക്ക് സ്പീഡിലായിരുന്നു ചോദ്യമെന്ന് പിന്നേയാ മനസ്സിലായെ.
ഒരു വിതം എല്ലാം ചോദിച്ചറിഞ്ഞു. ഞാൻ നില്‍ക്കുന്നിടത്ത് അപ്പുറത് തന്നെ ഉണ്ട് ഇളം മഞ്ഞ കളറിൽ പീ വീ ട്ടി ബസ്. ഉടനെ ബസ്സിനടുത്തെക്ക്. അടഞ് കിടക്കുന്ന ഡോര്‍ കണ്ടപ്പോ ഉള്ളിൽ ആരുമില്ലെന്നാ വിചാരിച്ചെ.. വീണ്ടും നിരാശ….
അപ്പുറത്ത് നില്‍ക്കുന്ന ആളിനോട് തിരക്കിയപ്പോ അവർ തന്നെ ബസ്സിന്റെ ആൾ

എനിക്കുള്ള പെട്ടി താ…. പെട്ടെന്നുള്ള പറച്ചിൽ അയാളിൽ ഒരു ആക്രാന്തകരന്റെ മുഖം എനിക്ക് നൽകിയിട്ടുണ്ടവാം, എനിക്ക് പിടിച്ച് നിക്കാൻ പറ്റാത്ത സന്തോഷം.
പേരും മൊബൈൽ നമ്പറും ചോദിച്ച് ഞാൻ തന്നെയാണ് ആളെന്ന് ഉറപ്പ് വരുത്തി ആ പിങ്ക് കളർ പാക്കറ്റ് എന്നെ ഏൽപ്പിച്ചു.

രണ്ട് കൈകൊണ്ടും മുറുക്കിപ്പിടിച്ച് കാറിനടുത്തേക്ക് നടക്കുമ്പോളും ആ കുഞ്ഞു പെട്ടിയിലായിരുന്നു മനസ്സ് നിറയെ. ഡ്രൈവിങ് സീറ്റിൽ കയറി അരികിലെ സീറ്റിൽ അരുമയോടെ ആ പൊതിയെ വെച്ചു. കയ്യെടുത്തപ്പോ എന്തോ വിഷമം… ഇല്ലാ … വേണ്ടാ, ഇടത് കൈ കുഞ്ഞു പെട്ടിക്ക് മുകളിൽ വെച്ച് കൊണ്ട് തന്നെ കാറുമായി റൂമിലേക്ക്…

ഇന്നെന്റെ വിരലുകൾക്ക് തിളക്കം… സ്നേഹത്തിന്റെ ഒത്തിരി ഭാരം മനസ്സിനും വിരലുകൾക്കും.
അതെ ഞാനിന്ന് ഒരു പവിഴ മുതലാളി.
സ്നേഹോപഹാരമായി ലഭിച്ച ജീവിതത്തിലെ ആദ്യ പവിഴ മോതിരം..
ജീവന്റെ ഓരോ സ്പന്ദനവും ഏറ്റുവാങ്ങി എന്നോടൊപ്പം ഊണിലും ഉറക്കത്തിലും…..

കൂതറക്കും പണി കിട്ടി...!

2011-01-08T09:36:00.000+05:30

വിട്ട് നില്‍ക്കാനും ഒളിച്ച് നില്‍ക്കാനും കഴിയില്ലെന്ന് മനസ്സിലാവുകയും വീണ്ടും സജ്ജീവമാവാനുള്ള ആഗ്രഹത്തിന് കീഴടങ്ങുകയും ചെയ്യപ്പെടുന്നു എന്ന തോന്നലിലാവാം വീണ്ടും ബ്ലോഗില്‍ എത്തിപ്പെടാന്‍ കൊതിക്കുന്നത്.

വരുന്നു..... എങ്കിലും പഴയപോലെ വായന കഴിയുമെന്ന് തോന്നുന്നില്ലാ. വായനയിലും കമന്റിലും ആയിരുന്നു എന്റെ ആഹ്ലാദം. വായിക്കുന്ന പോസ്റ്റുകള്‍ക്ക് എനിക്ക് തോന്നുന്ന കമന്റ് ഇത് വരെ നല്‍കിയിട്ടുണ്ട്. ബൂലോക സൌഹൃദവും കൂട്ടുകെട്ടും എന്റെ കമന്റുകളെ ഒരിക്കലും വഴിതിരിച്ച് വിട്ടിട്ടില്ലാ. ഇനിയും അങ്ങനെ തന്നെ ആയിരിക്കും.. തീര്‍ച്ച.!
ബൂലോക ഉടക്കുകള്‍ ബൂലോകത്ത് തന്നെ കമന്റ് ബോക്സില്‍ ഒതുക്കി വെക്കാനും ബൂലോക സൌഹൃദങ്ങളെ ജീവിതത്തിന്റെ അനുഗ്രഹ നിമിഷങ്ങളിലേക്ക് പകര്‍ത്താനും ആഗ്രഹിക്കുന്നു

അതെ, പണി കിട്ടി..!
അപകടവുമായി ബന്ധപ്പെട്ട് എനിക്ക് കിട്ടിയ രണ്ടര വര്‍ഷത്തെ വിശ്രമം അവസാനിപ്പിച്ച് ജോലിക്ക് പോകാനുള്ള ഒരുക്കത്തിലാണിപ്പോള്‍ ഞാനുള്ളത്. വിശ്രമകാലം അലോസരമാവാതെ ആക്കിത്തീര്‍ക്കാന്‍ എനിക്കീ ബൂലോകവും ചാറ്റും ബ്ലോഗ് കൂട്ടുകെട്ടും ആയിരുന്നു കൂട്ട്. അവയെ ഇനി വേണ്ടെന്ന് വെക്കാന്‍ കഴിയില്ലാ.. തീര്‍ച്ച.!

ജോലിത്തിരക്കിലായാലും കഴിയും വിധം വീണ്ടും ബൂലോകത്ത് ഓടി നടക്കാന്‍ ഞാനും നിങ്ങളുടെ കൂടെ ഉണ്ടാകും. കമന്റായും ചാറ്റായും ബൂലോകത്തിന് കൂടെ നില്‍ക്കാന്‍ ഒരുപാട് കൊതിക്കുന്നു.

ബൂലോകമെന്ന മാസ്മരിക ലോകത്തേക്ക് നിങ്ങളോടൊപ്പം പറക്കാന്‍ ഞാന്‍ വീണ്ടും.....

കൂതറHashimܓ

വിട... എല്ലാ വിവാദങ്ങള്‍ക്കും വിട

2010-08-16T15:41:00.003+05:30

ചെറായ് ബ്ലോഗ് മീറ്റിന്റെ ഗ്രൂപ്പ് ഫോട്ടോ കണ്ടിട്ടാണ് എനിക്കും ബ്ലോഗറാകുവാന്‍ ആഗ്രഹം തോന്നിയത്. എന്ത് നല്ല കൂട്ടായ്മ.... ആ കൂട്ടായ്മയില്‍ എത്തിപ്പെടുവാനും സൌഹൃദം പങ്കുവെക്കുവാനും ഒത്തിരി ആഗ്രഹം തോന്നി. ബ്ലോഗില്‍ സജീവമായതോട് കൂടി ഞാന്‍ ആഗ്രഹിച്ചതിലും കൂടുതല്‍ സൌഹൃദങ്ങള്‍ ലഭിക്കുകയും ചെയ്തു.
സൌഹൃദം നിലനിര്‍ത്തികൊണ്ടുള്ള വിമര്‍ശനങ്ങള്‍ എനിക്കെന്നും ആവേശമായിരുന്നു. വിമര്‍ശിക്കപെടുവാന്‍ അതിലേറെ താല്പര്യമായിരുന്നു. അത് വഴി എനിക്ക് എന്നിലെ തെറ്റുകള്‍ തിരുത്തുവാന്‍ കഴിയുമെന്ന ഉത്തമ ബോധ്യം ഉണ്ട് താനും. ഞാന്‍ കമന്റായി നല്‍കിയിരുന്ന വിമര്‍ശനങ്ങളില്‍ ഒന്നിലും എനിലെ സൌഹൃദങ്ങള്‍ക്ക് വിള്ളല്‍ വന്നിട്ടില്ലെന്ന വിശ്വാസവുമുണ്ട്.

ബ്ലോഗ് എനിക്ക് 17 ഇഞ്ച് മോണിറ്ററില്‍ മാത്രം ഒതിങ്ങിനില്‍ക്കുന്ന ഒരു വലിയ ലോകമായിരുന്നു. ജീവിതത്തെ അത് ഒട്ടും അലങ്കോലപെടുത്തിയിട്ടില്ലാ. ഒരു ദിവസം കറന്റ് ഇല്ലെങ്കില്‍, കീബോഡ് പണി മുടക്കിയാല്‍ എത്തിപെടാന്‍ പറ്റാത്ത ഒരു ലോകം.
ബ്ലോഗ് മീറ്റില്‍ പങ്കെടുക്കുമ്പോഴും മുന്നില്‍ കാണുന്ന വ്യക്തിയെ ആയിരുന്നു ഞാന്‍ ഇഷ്ട്ടപെട്ടിരുന്നത്. ബ്ലോഗ് ഉള്ളവര്‍ അവിടെ കൂടിയിരുന്ന് ബ്ലോഗിലൂടെ പങ്കുവെച്ചതിലുപരി ഒരു സൌഹൃദം ഞാന്‍ ആഗ്രഹിച്ചു. എറ‍ണാകുളം ബ്ലോഗ് മീറ്റില്‍ ഞാന്‍‍ ആഗ്രഹിച്ചത് പോലെ നാല്പതോളം നല്ല സുഹൃത്തുക്കളെ കിട്ടുകയും ചെയ്തു. അതില്‍ ഒത്തിരി സന്തോഷിക്കുന്നു.

ഈ സന്തോഷം ഒരൊറ്റ എന്റെ തെമ്മാടിത്തരം(വിവാദ കമന്റ്) കൊണ്ട് നഷ്ട്ടപെടുമോ എന്ന് ഞാനിപ്പോ ഭയപ്പെടുന്നു.

ബൂലോകം ഓണ്‍ലൈനില്‍ ഒരു അനോണി ഇട്ട “മീറ്റിലെ പാമ്പുകള്‍“ എന്ന പോസ്റ്റ് മെയിലായി കിട്ടിയത് ബ്ലോഗര്‍ അലിക്ക് അയച്ച് കൊടുത്ത് പോസ്റ്റ് ആക്കുവാന്‍ ഞാന്‍ ആവശ്യപെട്ട പ്രകാരം മാത്രമാണ് അലി അത് പ്രവാസഭൂമിയില്‍ പോസ്റ്റിയത്. അനോണിയുടെ ആ പോസ്റ്റ് അലിയുടെ ബ്ലോഗില്‍ വന്നതിലുള്ള പരിപൂര്‍ണ്ണ ഉത്തരവാദിത്വം എന്നിക്ക് മാത്രമാകുന്നു. എന്നിലുള്ള അലിയുടെ വിശ്വാസത്തെ ഞാന്‍ ഇവ്വിതം ചൂഷണം ചെയ്യാന്‍ പാടില്ലായിരുന്നു. ‘മീറ്റിലെ പാമ്പുകള്‍’ എന്ന പോസ്റ്റില്‍ ഞാനിട്ട തെറ്റിദ്ധാരണാജനകമായ കമന്റ് ഒത്തിരി പരിധിക്ക് അപ്പുറത്തായി എന്ന് മനസിലാക്കുന്നു. ചെയ്യാന്‍ പാടില്ലായിരുന്ന വിഡ്ഡിത്തം... അല്ലാ തെമ്മാടിത്തരം ആയെന്ന് ബോധ്യപെടുന്നു

ഹരീഷേട്ടന്‍്, മനോരാജ്, മത്താപ്പ് എന്നിവരുടെ സഹകരണം ഒന്ന് മാത്രമാണ് എന്നെ ബ്ലോഗ് മീറ്റിനെത്തിച്ചത്. തലേ ദിവസം രാത്രി മീറ്റിന് എന്നെ കൂടെ കൊണ്ടുപോകണമെന്ന് കൊട്ടോട്ടിക്കാരനോട് ആവശ്യപെട്ട പ്രകാരം ഇസ്മായില്‍ (തണല്‍) നല്‍കാമെന്നേറ്റ റയില്‍വെ ടിക്കറ്റ് ഓഫര്‍ പ്രകാരം മീറ്റിന് എത്താമെന്ന പ്രതീക്ഷയില്‍ അന്ന് രാത്രി നന്നായി ഉറങ്ങി. രാവിലെ വിളിച്ച് ഇന്നലെ പറഞ്ഞ ട്രയിന്‍ ഇല്ലെന്നും ഞങ്ങള്‍ ബസ്സിലാണ് പോകുന്നതെന്നും കൊട്ടോട്ടിക്കാരന്‍ വിളിച്ചറിയിച്ചപ്പോ വിഷമമായി.

മീറ്റിന്‍ പങ്കെടുക്കാന്‍ കഴിയുമോ എന്നറിയാന്‍ ഹരീഷേട്ടനെ വിളിച്ചപ്പോ ഞാന്‍ അഡ്മിറ്റായ ഹോസ്പിറ്റല്‍ വഴി വരുന്ന ബ്ലോഗര്‍മാരെ തപ്പാന്‍ മനോരാജിനെ വിളിക്കാന്‍ പറഞ്ഞു. മനോട്ടനെ വിളിച്ചപ്പോ തലേന്ന് മാത്രം അദ്ദേഹം പരിചയപെട്ടത്താണെന്ന് പറഞ്ഞ് ബ്ലോഗര്‍ മത്താപ്പിന്‍റെ നമ്പര്‍ തന്നു. മത്താപ്പിനെ വിളിച്ചപ്പോ പെട്രോള്‍ ഓഫര്‍ ചെയ്യാമെന്നേറ്റു. ഉടനെ കാറുമായി മത്താപ്പിനെ കൂട്ടാനായി ഷൊര്‍ണൂര്‍ ബസ്റ്റാന്റിലെത്തിയ എന്റെ അടുത്തെക്ക് വന്ന 19 വയസ്സ് കാരനായ വിദ്യാര്‍ത്ഥിയെ കണ്ട് ഞാന്‍ അന്തം വിട്ട് നിന്നു. മത്താപ്പ് ഒരു വലിയ ആളാണെന്ന് കരുതി പെട്രോള്‍ ഓഫര്‍ ചെയ്യിച്ചതില്‍ ഒത്തിരി ചമ്മല്‍ തോന്നി. എന്നാലും വേറെ വഴിയില്ലാത്തതിനാല്‍ പെട്രോളിനായി 400 രൂപ അവനെകൊണ്ട് ചിലവാക്കിപ്പിച്ചു. മീറ്റിന് മാസങ്ങള്‍ക്ക് മുമ്പ് തന്നെ ഹരീഷേട്ടനോട് സൂചിപ്പിച്ച പ്രകാരം റെജിസ്ട്രേഷന്‍ ഫീസ് 300 രൂപ ഹരീഷേട്ടന്‍ തന്നെ അടച്ചു. ഞാന്‍ എഴുതിയ വിവാദ കമന്റിനു ശേഷം ബ്ലോഗര്‍ യൂസുഫ്പ, അനോണി അശോകന്‍ എന്നിവര്‍ വ്യാഖ്യാനിച്ച പോലെ അതൊരു ഔദാര്യമാണെന്ന് എനിക്ക് വിശ്വാസമില്ല.
മറ്റോരു ബ്ലോഗര്‍ അദ്ദേഹത്തിന്‍റെ പോസ്റ്റില്‍ പറഞ്ഞ ഒരു ആരോപണത്തിന് (ബ്ലോഗിണിമാരെ വളക്കാനാണ് ഞാന്‍ ബ്ലോഗുന്നതെന്ന അരോപണത്തിന്‍) കൂടി മറുപടി നല്‍കികൊള്ളട്ടെ, എനിക്ക് പരിചയമുണ്ട്, ഒത്തിരി ബ്ലോഗിണിമാരെ. ഒലിപ്പീരില്ലാതെ ബ്ലോഗിണിമാരോട് സംസാരിക്കാന്‍ കഴിയുമെന്ന വിശ്വാസം താങ്കള്‍ക്കുണ്ടെങ്കില്‍ താങ്കള്‍ക്കും അതിന് കഴിയും തീര്‍ച്ച.!
(എന്താ മാഷെ ബ്ലോഗിണിയും ബ്ലോഗണനും വെത്യാസം, എല്ലാവരും ബ്ലോഗര്‍മാരല്ലേ.....)

എര്‍ണാകുളം മീറ്റിനോട് ചേര്‍ന്ന് പരാമര്‍ഷിക്കപ്പെട്ട പോസ്റ്റുകളില്‍ നിന്നും കമന്റുകളില്‍ നിന്നും ഞാന്‍ ഒത്തിരി ഇഷ്ട്ടപെട്ടിരുന്ന ബ്ലോഗ് സൌഹൃദം എനിക്ക് നഷട്ടപെടുമോ എന്ന് ഭയപ്പെടുന്നു. ഫോണില്‍ സ്ഥിരമായി വിളിച്ചിരുന്നു പ്രിയ ബ്ലോഗ് സുഹൃത്തിനെ ഇപ്പോള്‍ കോണ്ടാക്റ്റ് ചെയ്യാന്‍ കഴിയാത്തതും, പ്രിയ ബ്ലോഗര്‍ മിസ്റ്റര്‍ എക്സ് പറഞ്ഞ കാര്യവും (“എന്റെ വീട്ടില്‍ വിരുന്നുണ്ടിട്ട് എന്റെ അമ്മയും ഭാര്യയും പിഴയാണെന്ന് കവലയില്‍ പോയി വിളിച്ച് പറയുന്ന ഈ പ്രവൃത്തി”) എന്നെ വല്ലാതെ വേട്ടയാടുന്നു.

ഇത്രമാത്രം പ്രശ്നങ്ങള്‍ ഉണ്ടാക്കിയിട്ടും എന്റെ തെറ്റുകള്‍ക്ക് മാപ്പ് നല്‍കി എന്നോട് ക്ഷമിച്ച പ്രിയ കൂട്ടുകാര്‍ക്ക് പ്രണാമം.

സൌഹൃദങ്ങള്‍ നഷ്ട്ടപെട്ടാല്‍ എനിക്ക് ബ്ലോഗ് ഇല്ലാ.... ബ്ലൊഗ് ഇല്ലെങ്കില്‍ പിന്നെ എന്നിലെ ബ്ലോഗര്‍ കൂതറ ഹാഷിമുമില്ലാ..

നഷ്ട്ടപെടുമോ എന്ന് ഭയക്കുന്ന ഒത്തിരി നല്ല സുഹൃത്തുക്കള്‍ എന്നിലെ തെറ്റിനെ ക്ഷമിച്ച് വീണ്ടും എന്നോട് കൂട്ടുകൂടുമെന്ന പ്രതീക്ഷയോടെ ഞാന്‍ കുരുക്കിയ തെമ്മാടി കമന്റിന്‍ തുമ്പത്ത് എന്നിലെ ബ്ലോഗര്‍ കൂതറ ഹാഷിം ആത്മാഹുതി ചെയ്യുന്നു...!!!

സൌഹൃദങ്ങള്‍ നഷ്ട്ടപെട്ട ബൂലോകത്തിന് വിട.

പ്രിയ ബ്ലോഗ് സുഹൃത്തുക്കളെ മാപ്പ്..!

2010-08-10T00:08:00.001+05:30

ബൂലോകം ഓണ്‍ലൈനില്‍ വന്ന “ ബ്ലോഗ് മീറ്റിലെ പാമ്പുകള്‍“ എന്ന പോസ്റ്റ് എനിക്ക് മെയിലായി കിട്ടിയത് അലിക്ക് ഞാന്‍ അയച്ചു കൊടുത്തത് എന്‍റെ അനുവാദത്തോടെ തന്നെ അലിയുടെ ബ്ലോഗില്‍ ഒരു പോസ്റ്റായി വന്നിരുന്നു .

ആ പോസ്റ്റില്‍ ഞാന്‍ ഒരു കമന്‍റും ഇട്ടിരുന്നു. ഒത്തിരി ആളുകളെ ആ കമന്‍റ് വേദനിപ്പിച്ചു എന്നറിഞ്ഞപ്പോള്‍ സങ്കടമായി.
കൂടുതല്‍ ഒന്നും ഓര്‍ക്കാതെ അത്തരത്തില്‍ ഞാന്‍ കമന്‍റിടാന്‍ പാടില്ലായിരുന്നു. തെറ്റായിപ്പോയി എന്നു മനസ്സിലായി. പ്രിയ ബ്ലോഗ് സുഹൃത്തുക്കളെ മാപ്പ്..!

ernaakulam blog meet ! Murukan show

2010-08-08T22:07:00.002+05:30

Ernaakulam meetin pooyi. Naalpathoolam blog frndsine kandu, kuree samsaarichu. Uchakk choor kitti koode icecreemum. Othiri santhooshaayi

Blogarmaarude parichayapedalin shesham thudangiya Murukan kaattaakada yude avatharanam chila paraamarshamozhich baakkiyullath ishttaayi.
randaam pakuthiyile kaattaakada SHOW othiri boraayithooni, unsahikkable...!
Priya meet sangaadakare, kaattaakadaye ithrakk budhimuttikandaayirunnu (njangaleeyum).

Boolokam online pathrathinte aadya lakkam kaappilaanil ninn kitti. Nannaayittund, gud work.
Sajeevettan varach nalkiya KOOTHARA kaarikkeechar nalla rasam :-)

Tretmentin vendi admittaaya njaan special permishaneduth meettin pooyath nashttamaayoo enna chinthayoode Cheruthuruthi Panchakarmayil ninn KOOTHARA HASHIM

(hospitalil mobile net maathre ulloo. mobilil malayaalam typpaan pattaathathoond ingane poostunnu)

സ്റ്റേജ് കയ്യേറ്റം

2010-05-31T07:48:00.003+05:30

പെയിന്‍ ആന്റ് പാലിയേറ്റീവിന്റെ ഒരു പ്രവര്‍ത്തകനില്‍ നിന്നറിഞ്ഞാണ് ആ കൂട്ടായ്മയില്‍ ഞാന്‍ എത്തിച്ചേര്‍ന്നത്. പല വിധത്തില്‍ പ്രയാസം അനുഭവിക്കുന്ന അറുപതില്‍ പരം ആളുകളും അത്രതന്നെ അവരുടെ ആശ്രിതരും പിന്നെ നാല്പതില്‍ കൂടുതല്‍ വളണ്ടിയര്‍മാരും ചേര്‍ന്നതായിരുന്നു ആ കൂട്ടം. ഇത്തിരി വൈകി എത്തിയതില്‍ ചെറിയ നിരാശ വന്നെങ്കിലും കുറേ ആളുകളെ കാണാന്‍ കഴിഞ്ഞതില്‍ അതിയായ സന്തോഷം തോന്നി.

ഒരു വലിയ ഹാളില്‍ അര്‍ദ്ധ വൃത്താകൃതിയില്‍ 20 കിടക്കകളും കുറേ വീല്‍ ചെയറുകളും അതിന് മുന്‍വശത്ത് സ്റ്റേജും. ഇതായിരുന്നു അവിടെ എനിക്ക് കാണാന്‍ കഴിഞ്ഞത്. പരസ്പരം പരിചയപെടാനുള്ള അവേശത്തോടെ പലരുടേയും കിടക്കകള്‍ക്കരികിലേക്കും വീല്‍ ചെയറിനരികിലേക്കുംചെറു പുഞ്ചിരിയോടെ നടന്ന് ചെന്നപ്പോള്‍ അവരിലും നിറപുഞ്ചിരിയുണ്ടായിരുന്നു എനിക്ക് നല്‍കാനായി. മുതിര്‍ന്നവരെ ബഹുമാനത്തോടെ തന്നെ പരിചയപ്പെടുകയും സമപ്രായക്കരോടും അനിയന്മാരോടും അവരിലേക്ക് ചേര്‍ന്ന് ദേഹത്ത് മുട്ടിയുരുമ്മിയിരുന്ന് വിശേഷങ്ങള്‍ പറഞ്ഞു തുടങ്ങിയപ്പോ എന്നിക്ക് എന്തോ ഒരു പുതു എനര്‍ജി കിട്ടിയത് പോലെ തോന്നി.

ഉച്ച സമയം ആയപ്പോ എല്ലാവര്‍ക്കും ഭക്ഷണം നല്‍കുകയും കുറെ പേരെ ഭക്ഷണം കഴിപ്പിക്കുകയും ചെയ്യുന്നുണ്ടായിരുന്നു വളണ്ടിയര്‍മാര്‍. ഈ സമയമത്രയും സ്റ്റേജില്‍ പാട്ടുകളായും ഡാന്‍സുകളായും പല കലാപരിപാടികളും നടക്കുന്നുണ്ടായിരുന്നു. ഭക്ഷണം കഴിച്ച് കഴിഞ്ഞ് എല്ലാവരും സ്റ്റേജില്‍ ശ്രദ്ധിക്കാന്‍ തുടങ്ങി. ഒരു പയ്യന്‍ മോണോ ആക്റ്റ് തുടങ്ങിയത് നോര്‍മല്‍ അല്ലാത്ത സ്വരം സ്പീക്കറിലൂടെ കേട്ടാണ് ഞാന്‍ ശ്രദ്ധിച്ചത്. സംസാരിക്കാന്‍ വൈകല്യം ഉള്ള ഒരാളുടെ സ്വരം ആക്ഷേപ ഹാസ്യ രൂപത്തില്‍ അവതരിപ്പിച്ചാണ് അവന്‍ തുടങ്ങിയത്. അത് കേട്ട് തുടങ്ങിയപ്പോ എനിക്കെന്തോ വിഷമം തോന്നി. അവിടെ പരിചയപെട്ട നാലോ അഞ്ചോ ആളുകള്‍ക്ക് സംസാരിക്കാന്‍ ഒത്തിരി പ്രയാസം ഉള്ളതായി എനിക്ക് അറിയാമായിരുന്നു.

ഒരു പാലിയേറ്റീവ് പ്രവര്‍ത്തകനെ വിളിച്ച് ഇത്തരം ഹാസ്യം നല്ലതെല്ലെന്നും അതിനാല്‍ ആ പ്രോഗ്രാം നിര്‍ത്തണമെന്നും അപേക്ഷിച്ചെങ്കിലും അദ്ദേഹത്തിന് അതിന്റെ ഗൌരവം അത്രക്ക് മനസ്സിലായില്ലാ. അപ്പോഴും ആ പയ്യന്‍ തന്റെ ആക്ഷേപ ഹാസ്യം തുടര്‍ന്ന് കൊണ്ടിരിക്കുകയായിരുന്നു.

പിന്നീട് ഒന്നും ആലോചിക്കാതെ ഞാന്‍ സ്റ്റേജിലേക്ക് കയറിചെന്ന് സ്റ്റാന്റില്‍ നിന്ന് മൈക്ക് ഊരിയെടുത്ത് അത് ഓഫ് ചെയ്ത് താഴെ വെച്ചു. സ്തംഭിച്ച് നിന്ന സദസ്സിനെ നോക്കി ഞാന്‍ എന്റെ വിഷമം ഉച്ചത്തില്‍ വിളിച്ച് പറഞ്ഞു
“ഇവിടെ കൂടിയവരില്‍ സംസാരിക്കാന്‍ കഴിയാത്തവരും സംസാര വൈകല്യം ഉള്ളവരും ഉണ്ട്. അവരെ മുന്‍നിര്‍ത്തി വൈകല്യത്തെ കളിയാക്കുന്ന രീതിയിലുള്ള ഈ പരിപാടി എനിക്കിഷ്ട്ടായില്ലാ.. അതുകൊണ്ട്, മൈക്ക് ഓഫ് ചെയ്ത് ഞാന്‍ പ്രതിഷേധിക്കുന്നു.”

*****************************************************************************

ഇപ്പോഴും ഞാന്‍ വിശ്വസിക്കുന്നു ഞാന്‍ ആ ചെയ്തത് തന്നെയാണ് ശരി എന്ന്. ഒരു കൂട്ടര്‍ പറയുന്നു “വൈകല്യത്തെ കളിയാക്കലല്ലാ അവസാനം അവരെ സപ്പോര്‍ട്ട് ചെയ്യുന്നതായിട്ടാണ് ആ പ്രോഗ്രാമില്‍ ഉള്ളത്, നീ ക്ലൈമാക്സ് കണാതെ പ്രതികരിച്ചത് ശരിയായില്ലാ”.
അവരോട് എനിക്ക് പറയാനുള്ളത് “വൈകല്യത്തെ കൂടുതല്‍ വികൃതമാക്കി അവരെ സപ്പോര്‍ട്ട് ചെയ്യുന്നത് എന്തിന്‍?? ആര്‍ക്ക് വേണ്ടി..??

പിന്‍ കുറിപ്പ്: ഈ പരിപാടിയില്‍ മുകളില്‍ പറഞ്ഞ ചെറിയ ഒരു ഉടക്ക് ഉണ്ടായി എന്നല്ലാതെ ബാക്കി എല്ലാം നന്നായിരുന്നു. എനിക്ക് വളറെ ഇഷ്ട്ടമാവുകയും ചെയ്തു.

സിനിമാ നടന്‍ മമ്മുട്ടി പങ്കെടുക്കും

2010-05-20T13:40:00.008+05:30

തൊടുപുഴ ബ്ലോഗ്ഗ് മീറ്റില്‍ കേരളത്തിന്‍റെ ജനകീയനായ നടന്‍ എന്‍റെ സുഹൃത്തുകൂടിയായ മമ്മൂട്ടിയെ പങ്കെടുപ്പിക്കാന്‍ ശ്രമിക്കും. അദ്ദേഹവും ഒരു ബ്ലോഗ്ഗറാണ്.... അത് മീറ്റിനു നല്ല ഒരു നടനാനുഭവം പകരും. ഒരുപക്ഷേ മമ്മുട്ടിയുടെ ദി കിംഗ് എന്ന സിനിമയും, ന്യൂഡല്‍ഹി, ഒരു വടക്കന്‍ വീരഗാഥയും, സാഗരംസാക്ഷിയും ഒക്കെ നിങ്ങള്‍ക്ക് സുപരിചിതമായിരിക്കും എന്നാലും ഈ നടനെ ഒന്ന് നേരില്‍ കാണാനും. ഈ സിനിമാനുഭവങ്ങള്‍ നേരില്‍ ഒന്ന് പറഞ്ഞ് കേള്‍ക്കാനും ആഗ്രഹിക്കാത്തവരായി ആരും കാണാതിരിക്കില്ല. അവര്‍ക്ക് ഈ അവസരം പ്രയോജനപ്രദമാകും.

www.pavapettavan.com

മുകളില്‍ കാണുന്ന ലിങ്കില്‍ പോയി വായിച്ച ശേഷം മാത്രം ഇവിടെ കമന്റുക.

---------------------------------------------------------------------------------------------------------

കൂട്ടിച്ചേര്‍ത്തത് (May/20/2010 | 10:37 PM):
പ്രിയ ബ്ലോഗ് സുഹൃത്തുക്കളേ,
തൊടുപുഴ മീറ്റുമായി ബന്ധപെട്ട് പാവപെട്ടവന്‍ എഴിതിയ ഒരു പോസ്റ്റ് വായിച്ചപ്പോ എനിക്ക് തോന്നിയ ചില കാര്യങ്ങള്‍ ആണ് മുകളില്‍ ഞാന്‍ എഴിതിയ ‘സിനിമാ നടന്‍ മമ്മുട്ടി പങ്കെടുക്കും’ എന്ന പോസ്റ്റ്

ഈ പോസ്റ്റ് എഴുതാനുള്ള കാരണങ്ങള്‍ (എനിക്ക് തോന്നിയവ, സത്യമാകണമെന്നില്ലാ):
* >>> മുരുകന്‍ കാട്ടക്കടയെ പങ്കെടുപ്പിക്കാന്‍ ശ്രമിക്കും <<< ശ്രമിക്കും!, അദ്ദേഹത്തോട് മീറ്റിനെ പറ്റി സംസാരിച്ച ശേഷം, ‘അദ്ദേഹം വരാമെന്നേറ്റിട്ടുണ്ട്’ എന്നായിരുന്നു നല്ലത്. ഇതിപ്പോ ആരോ നിര്‍ബന്ധിച്ച് ചെയ്യിക്കുന്ന ഒരു ഫീലിംഗ്

* >>> അദ്ദേഹവും ഒരു ബ്ലോഗ്ഗറാണ് <<< എന്നാല്‍ കവിക്ക് ബ്ലോഗ് മീറ്റിന് വരാന്‍ പ്രത്യേക ക്ഷണം എന്തിന്??

* >>> എന്‍റെ സുഹൃത്തുകൂടിയായ മുരുകന്‍ കാട്ടക്കടയെ <<< ആദ്യ വരിയില്‍ തന്നെ അദ്ദേഹം തന്റെ സുഹ്രുത്താണെന്ന് തെളിയിക്കാനുള്ള വെമ്പല്‍.

ഇതെല്ലാം കണ്ടപ്പോ സുഹൃത്തായ(വണ്‍വെ സുഹൃത്ത്) മമ്മുട്ടിയെ എനിക്കും എന്തു കൊണ്ട് ശ്രമിച്ചുകൂടാ എന്ന് തോന്നി. അദ്ദേഹവും ബ്ലോഗര്‍ ആണല്ലോ..!

ഇതിനോട് ചുവട് പിടിച്ച് റ്റോംസും, അലിയും എഴുതിയ നര്‍മ പോസ്റ്റുകളെ പോലെ അല്ല ഞാന്‍ ഉദ്ദേശിച്ചത്, പാവപെട്ടവന്റെ അവതരണ രീതി എനിക്കിഷ്ട്ടപെട്ടില്ലാ. അതിനോട് ഒന്ന് പ്രതികരിക്കുക എന്നുമാത്രമെ ഞാന്‍ കരുതിയുള്ളൂ. പാവപെട്ടവന്റെ പോസ്റ്റിലെ ചില പേരുകളും പ്രയോഗങ്ങളും മാറ്റുക മാത്രമേ ഞാന്‍ ചെയ്തിട്ടുള്ളൂ (ഒരു പാരഡി പോലെ).

പാവപെട്ടവാ ബ്ലോഗ് മീറ്റിന് ഞാനും ഉണ്ടാവും, നമുക്കവിടെ അര്‍മാദിക്കാം.. :) തൊടുപുഴ മീറ്റ് കീജെയ്
ഇതൊരു കളിയാക്കല്‍ പോസ്റ്റ് അല്ലാ. ഒരു ചെറിയ പ്രതികരണം മാത്രം

ദുരിതക്കിടക്കയില്‍ പ്രാര്‍ഥനയോടെ..

2010-05-03T09:14:00.006+05:30

'പതിമൂന്ന് രൂപക്ക് അണ്‍ ലിമിറ്റഡ് മൊബൈല്‍ നെറ്റ്, മൂന്ന് ദിവസത്തേക്ക്' ഈ ഓഫര്‍ ആക്റ്റീവ് ചെയ്ത് മൊബൈലില്‍ ചാറ്റികൊണ്ടിരിക്കുമ്പോഴാണ് സ്ട്രക്ച്ചറുമായി രണ്ട് നേഴ്‍സുമാര്‍ എന്റെ റൂമിലേക്ക് വന്നത്. “ടോയ്‌ലറ്റില്‍ പോകാനുണ്ടെങ്കില്‍ വേഗം പോയിട്ട് വാ” വന്നയുടനെ അവര്‍ പറഞ്ഞു . 12 മണിക്കൂര്‍ മുമ്പ് ഭക്ഷണം ഒന്നും കഴിക്കാന്‍ പാടില്ലെന്ന് പറഞ്ഞതിനാല്‍ ടോയ്‌ലറ്റില്‍ പോയിട്ടും കാര്യമുണ്ടായില്ലാ. എന്നാലും കഷ്ട്ടപെട്ട് ഇത്തിരി മുള്ളി. ഇനി അവിടെ പോയി ഇഞ്ചക്ഷന്‍ എടുക്കുമ്പോഴങ്ങാനും അറിയാതെ മുള്ളിപോയാലോ എന്ന പേടിയും ഉണ്ടായിരുന്നു. മുള്ളലും കഴിഞ്ഞ് മുഖം കഴുകി മുടി ചുള്ളനായി ഒതുക്കിവെച്ച് സ്ട്രക്ച്ചറില്‍ കയറി കിടന്നു. താഴത്തെ നിലയില്‍ ഓപ്പറേഷന്‍ തിയേറ്ററിനു അരികിലെ റൂമില്‍ വെച്ച് ഉടുത്തിരിക്കുന്ന മുണ്ടും ടീഷര്‍ട്ടും അഴിപ്പിച്ച് പച്ച കളറിലുള്ള ഒരു കോട്ട് ഇടാന്‍ തന്നു. ബി പി നോക്കി അത് കുറിച്ച് വെച്ച് കയ്യിലും ചന്തിയിലും ചെറിയ രണ്ട് ഇഞ്ചക്ഷന്‍ തന്ന് എന്നെ ഓപ്പറേഷന്‍ തിയേറ്ററിലേക്ക് മാറ്റി.

അഞ്ച് മിനുട്ട് കൂടുമ്പോ ഒരു നേഴ്സ് എന്റെ ബി പി നോക്കുന്നുണ്ടായിരുന്നു. പേടിക്കാന്‍ ഒന്നുമില്ലെന്ന് പറഞ്ഞപ്പോ തുടങ്ങിയതാ ചെറിയ ഒരു പേടി. കയ്യിലെ തള്ളവിരലില്‍ ഇട്ടിരിക്കുന്ന പള്‍സ് സെന്‍സെര്‍ ക്ലിപ്പ് വഴി മോണിറ്ററില്‍ എന്റെ പേടി പയ്യെ പയ്യെ ഉയരുന്നതായി എനിക്ക് തന്നെ കാണാമായിരുന്നു. “ഛെ ഇത്രയും വലുതായിട്ടും പേടിയോ” എനിക്ക് തന്നെ എന്റെ പേടിയോട് വെറുപ്പ് തോന്നി. എനിക്കിഷ്ട്ടപെട്ട ഒരു നാടന്‍ പാട്ട് മനസ്സില്‍ പാടാന്‍ ശ്രമിച്ചു . പയ്യെ പയ്യെ പള്‍സ് നോര്‍മല്‍ ആയപ്പോ പേടി പോയെന്നും ഞാന്‍ ഭയങ്കര സംഭവം ആണെന്നും എനിക്കു തോന്നി. എന്റെ മനസ്സിനെ നിയന്ത്രിക്കാന്‍ കഴിഞ്ഞ എന്നോട് എനിക്ക് ബഹുമാനവും ആദരവും തോന്നി തുടങ്ങി. സന്തോഷം കൂടിയപ്പോ ദേ പള്‍സ് വീണ്ടും കൂടുന്നു, പുറമേ കാണിച്ച ജാഡയൊന്നും സെന്‍സെറിനെ പറ്റിക്കാന്‍ ഒക്കില്ലെന്ന് കണ്ട ഞാന്‍ കണ്ണുകളടച്ച് കിടന്നു. അതിനിടക്ക് നാല് കുപ്പി ഗ്ലൂക്കോസ് കയറിയിരുന്നു വലത് കയ്യിലൂടെ.

പയ്യെ എഴുനേറ്റ് ഇരിക്കാന്‍ പറഞ്ഞ് എന്നെ രണ്ട് നേഴ്സുമാര്‍ പരമാവധി കുനിച്ച് പിടിച്ചു. അനങ്ങാന്‍ പറ്റാത്ത വിധം രണ്ടു പേര്‍ പിറകില്‍ നിന്നും അവരെ സപ്പോട്ട് ചെയ്തു. മുമ്പ് കഴിഞ്ഞ സര്‍ജറിക്ക് കുത്തിയ നട്ടെല്ലിനുള്ള അനസ്ത്യേഷ്യ ഇപ്പം കുത്തും എന്ന പ്രതീക്ഷയില്‍ തന്നെ ആയിരുന്നു ഞാനും. നട്ടെല്ലിന്റെ കശേരുക്കള്‍ തപ്പിനോക്കി ഡോക്റ്റര്‍ പറഞ്ഞു ചെറിയ ഒരു ഇഞ്ചക്ഷന്‍ വെക്കുന്നുണ്ടെന്ന്. “നുണ” എനിക്കറിയാം, കാണാന്‍ പേടിതോനുന്ന ഒരു വലിയ സൂചിയാണ് ഇഞ്ചക്ഷന് ഉപയോഗിക്കുന്നതെന്ന്. വേദന സഹിക്കാന്‍ തയ്യാറായി ജാഡയോടെ ഞാന്‍ “ഓക്കെ” പറഞ്ഞു. നട്ടെല്ലില്‍ ഒരു കിടിലം വേദന....... കുത്തി നിര്‍ത്തിയ സൂചി തിരിച്ചെടുക്കും വരെ ഞാന്‍ ചോദിചോണ്ടിരുന്നു “തീര്‍ന്നോ”. ഞാന്‍ ചോദിച്ചത് എനിക്ക് മത്രേ മനസ്സിലായുള്ളൂ. വേദന കാരണം ശബ്ദം പുറത്തു വന്നിരുന്നില്ലെന്ന് പിന്നീടാ മനസ്സിലായെ.

അല്‍പ്പസമയം കഴിഞ്ഞപ്പോ പയ്യെ പയ്യെ അരക്ക് താഴെ തരിപ്പ് വരാന്‍ തുടങ്ങി. കാല്‍മുട്ട് വരെ മാത്രേ എത്തിയുള്ളൂ ആ തരിപ്പ്. അത് മനസ്സിലാക്കിയ ഡോക്റ്റര്‍ വീണ്ടും എന്നെ കുനിച്ച് ഇരുത്തി. എന്നിട്ട് പറയാ ഒരു ചെറിയ ഡോസ് കൂടി വേണമെന്ന്. എനിക്ക് ശരിക്കും സങ്കടായി. ഇനിയും നട്ടല്ലിനുള്ള കുത്ത് സഹിച്ചേ തീരൂ. വീണ്ടും കുത്തി, ആദ്യ ഡോസിന്റെ എഫക്റ്റ് കാരണം ഒത്തിരി വേദനിച്ചില്ലാ. എന്നാലും ഉണ്ടാര്‍ന്നു കുറേ വേദന. ഇപ്പൊ ചെയ്ത അനസ്തേഷ്യ ശരിക്കും എഫക്റ്റ് ചെയ്തു. ഇപ്പൊ അരക്ക് താഴെ ഒന്നുമില്ലാ. തൊട്ടുനോക്കിയപ്പോ മരത്തിലോ മറ്റോ തൊട്ടത് പോലെ. കണ്ണ് മൂടികെട്ടുന്നതിനു മുമ്പേ ഞാന്‍ ചുറ്റും നോക്കി. മൂന്ന് പാത്രം നിറയെ കത്രികകള്‍, പിന്നെ ഒരു ചുറ്റിക, അപ്പുറത്ത് ഒരു ചെറിയ ഡ്രില്ലിങ് മെഷീന്‍ പിന്നെ കണ്ടാല്‍ അറിയാത്ത കുറേ എന്തൊക്കയോ സാധനങ്ങള്‍. ഇനി പേടിക്കാനൊന്നുമില്ലാ, വേദനിക്കിലാ. കാലില്‍ എന്ത് ചെയ്താലും ഇനി ഒന്നും അറിയിലാ.

എന്തൊക്കയോ തട്ടുകയും മുട്ടുകയും ചെയ്യുന്ന ശബ്ദം മാത്രം കേള്‍ക്കാം. അരമണിക്കൂര്‍ കഴിഞ്ഞപ്പോള്‍ കണ്ണിലെ കെട്ടഴിച്ച് കാലിലേക്ക് നോക്കികൊള്ളാന്‍ പറഞ്ഞു. ആഹാ.... എന്റെ കാല്‍ ഇപ്പൊ ഫ്രീ ആയിരിക്കുന്നു. നാല് മാസം മുമ്പ് കാലില്‍ ഇട്ടിരുന്ന illizrove steel എല്ലാം കാലിലില്‍ നിന്നും എടുത്തു മാറ്റിയിരിക്കുന്നു. (♪♫ സന്തോഷം കൊണ്ടെനിക്ക് കിടക്കാന്‍ വയ്യേ ഞാനിപ്പം....♪♫)

റിക്കവറി റൂമിലേക്ക് മാറ്റിയ എന്നെ ഒരു നേഴ്സ് വന്ന് ഇടക്കിടക്ക് പള്‍സും ബി പി യും കുറിച്ചെടുക്കുന്നുണ്ടായിരുന്നു. ഞാന്‍ കൈകൊണ്ട് അരക്ക് താഴെ തൊട്ടു നോക്കി. ഒന്നും അറിയുന്നില്ലാ. അരക്ക് താഴെ ഒന്നും ഇല്ലാത്ത പോലെ. എനിക്ക് ഒത്തിരി സങ്കടം വന്നു. കഴുത്തിന് തഴേക്കും അരക്ക് താഴേക്കും ചലന ശേഷിയും സ്പര്‍ശന ശേഷിയും നഷ്ട്ടപെട്ട എന്റെ കൂട്ടുകാരെ ഞാന്‍ ഓര്‍ത്തു. അവരുടെ അവസ്ഥയും ഇപ്പോഴത്തെ എന്റെ അവസ്ഥയും ഒന്നാണെന്ന് മനസ്സിലായപ്പോഴാണ് സ്പൈനല്‍ കോഡിന് ക്ഷതം പറ്റിയാ‍ലുള്ള പ്രശ്നം എനിക്ക് ശരിക്കും മനസ്സിലായത്. ആലോചിക്കും തോറും എന്റെ ഹൃദയം കൂടുതല്‍ മിടിക്കാന്‍ തുടങ്ങി. വീട്ടുകാരുടേയും, കോമയില്‍ കിടക്കുന്ന പ്രിയ സുഹൃത്ത് ഷാനിയുടേയും മുഖം മനസ്സില്‍ തെളിഞ്ഞപ്പോ എനിക്ക് സഹിക്കാന്‍ കഴിഞ്ഞില്ലാ.

കടിച്ചമര്‍ത്താന്‍ ശ്രമിച്ച തേങ്ങലുകള്‍ പൊടുന്നനെ പുറത്തു വന്നു തുടങ്ങി. അതോടെ ബി പി ഒത്തിരി കുറയാന്‍ തുടങ്ങി. ബി പി കുറവാണെന്ന് കണ്ട നേഴ്സ് ഉടനെ ഡോക്റ്ററെ വിളിക്കുകയും ഒരു ഇഞ്ചക്ഷന്‍ തരുകയും ചെയ്തു. എന്നോട് ഒന്നും പേടിക്കാനില്ലെന്നും സങ്കടപ്പെടരുതെന്നും ഡോക്റ്റര്‍ പറഞ്ഞു. പക്ഷെ ആരുടെ മുഖം കണ്ടാലും എനിക്ക് സങ്കടം കൂടികൂടി വന്നു. ഇഞ്ചക്ഷന്‍ ചെയ്തു പോവാന്‍ ഒരുങ്ങിയ ഡോക്റ്ററുടെ കൈകള്‍ മുറുകെ പിടിച്ച് കിടന്നപ്പോ കുറച്ച് ആശ്വാസം തോന്നി.

ഉപ്പയെ കാണണമെന്ന് പറഞ്ഞ എന്റെ അടുക്കലേക്ക് ഉപ്പയെ കൊണ്ടുവന്ന് കരയുരുതെന്ന് സിസ്റ്റെര്‍ പ്രത്യേകം പറഞ്ഞെങ്കിലും എനിക്കതിന് കഴിഞ്ഞില്ലാ. ഉപ്പയുടെ കൈകള്‍ കൂട്ടിപ്പിടിച്ച് നെഞ്ചോട് ചേര്‍ത്ത് വെച്ച് ഞാ‍ന്‍ കുറേ കരഞ്ഞു. പയ്യെ പയ്യെ നോര്‍മല്‍ ആയ എന്നെ ഇനി നീ ആരേയും കാണേണ്ടെന്നും കണ്ടാ നീ കരയുമെന്നും പറഞ്ഞ് ഒറ്റക്ക് കിടത്തി. പയ്യെ പയ്യെ ഞാ‍ന്‍ ഉറങ്ങി തുടങ്ങി.

പിറ്റേ ദിവസം ഡോക്റ്റര്‍ വന്ന് പറഞ്ഞപ്പോഴാണ് ഞാന്‍ തലേ ദിവസം കാണിച്ച് കൂട്ടിയ വെപ്രാളങ്ങള്‍ അവരെ എത്രത്തോളം വിഷമിപ്പിച്ചെന്ന് മനസ്സിലായത്. ബിപി ഒരുപാട് കുറഞ്ഞെന്നും അത് ജീവന് തന്നെ ഭീഷണി ആവുന്ന രീതിയില്‍ എത്തിയെന്നും അവരെ അത് ഒരുപാട് ഭയപെടുത്തിയെന്നും പറഞ്ഞ് ഡോക്റ്റര്‍ എന്നെ ഒരുപാട് വഴക്ക് പറഞ്ഞു. വേണ്ടാത്ത ഓരോന്ന് ആലോചിച്ച് വീട്ടുകരേയും ഞങ്ങളേയും വിഷമിപ്പിച്ച് നീ എന്ത് നേടി എന്ന് ഡോക്ട്ടര്‍ ചോദിച്ചപ്പോഴും ഷാനിയുടെ മുഖം മാത്രമായിരുന്നു എന്റെ മനസ്സ് നിറയെ..!

അപരന്മാര്‍ | പഹയന്മാര്‍

2010-03-28T17:26:00.003+05:30

സ്വന്തം വ്യക്തിത്വം മറച്ചു വെച്ചു കൊണ്ട് മറ്റു പല പേരുകളിലും എന്റെ രണ്ട് മൂന് പോസ്റ്റുകളില്‍ കമന്റുകള്‍ മുമ്പും വന്നിട്ടുണ്ടായിരുന്നു, തെറി കമന്റുകള്‍ മായ്ച്ചുകളയുകയും തെറി അല്ലാത്തവ നിലനിര്‍ത്തുകയും ചെയ്തിട്ടുമുണ്ട്. എനിക്കും അതുപോലെ വായനക്കാര്‍ക്കും ഉപദ്രവം ഇല്ലാത്തതിനാല്‍ അനോണിമാരെ ഞാനത്ര കാര്യമാക്കിയിരുന്നില്ലാ. എനിക്കു വരുന്ന അനോണി കമന്റുകളെല്ലാം Anonymous said എന്ന പേരില്‍ വരുന്നതിനാല്‍ ഞാന്‍ അതിനു വലിയ കുഴപ്പവും കണ്ടിരുന്നില്ലാ.

കഴിഞ്ഞ കുറച്ചു ദിവസങ്ങളില്‍ എന്റെ രണ്ട് പോസ്റ്റുകളില്‍ ‘മയ്മാക്ക’, ‘പോക്കരാക്ക’ എന്ന പേരിലും എന്റെ ബ്ലോഗര്‍ നാമമായ കൂതറHashimܓ എന്ന പേരിലും ഏതോ ഒരു പഹയന്‍ തെറികള്‍ പറഞ്ഞു കോണ്ട് കമന്റുകള്‍ ഇട്ടിരിക്കുന്നു. ഈ കമന്റുകല്‍ ഇട്ട ‘മയ്മാക്ക’, ‘പോക്കരാക്ക’, കൂതറHashimܓ (അപരന്‍) എന്നിവര്‍ ആരാണെന്നറിയാന്‍ അവരുടെ പേരുകളില്‍ ക്ലിക്കിയപ്പോ ബെര്‍ളിത്തരങ്ങള്‍ എന്ന ബ്ലോഗിലേക്കാണ് ലിങ്കുകള്‍ പോയത്. തട്ടുകട എന്ന ബ്ലോഗില്‍ ഞാന്‍ ഇട്ട കമന്റ് കട്ട് പേസ്റ്റ് ചെയ്ത് കൂതറHashimܓ എന്ന എന്റെ പ്രൊഫൈല്‍ നെയിം ഉപയോഗിച്ച് എന്റെ പോസ്റ്റില്‍ കമന്റായി ഇട്ടിരിക്കുന്നു.

ജാലകത്തില്‍ വരുന്ന ഒട്ടു മിക്ക പോസ്റ്റുകളും ഞാന്‍ വായിക്കാറുണ്ട്, കവിത ഒഴിച്ച് (എനിക്ക് കവിത വായിക്കാന്‍ എനിക്കറിഞ്ഞൂടാ, എഴുതാനും). നല്ലതെന്ന് തോനുന്ന പോസ്റ്റുകളില്‍ നല്ല രീതിയിലുള്ള കമന്റുകളും എനിക്ക് ഇഷ്ട്ടപെടാത്ത പോസ്റ്റുകളില്‍ ഇഷ്ട്ടപെട്ടില്ലാ എന്നും തുറന്ന് പറയാറുണ്ട്. ഇന്നേവരെ ആരുടെ പോസ്റ്റിലും ഞാന്‍ തെറി കമന്റുകള്‍ ഒന്നും തന്നെ ഇട്ടിട്ടില്ലാ.
പ്രിയ ബ്ലോഗര്‍മാരെ, നിങ്ങളുടെ ആരുടെ എങ്കിലും പോസ്റ്റുകളില്‍ തെറികമന്റുകളായോ അധിക്ഷേപിക്കുന്ന രീതിയിലുള്ള കമന്റുകളോ എന്റെ പ്രൊഫൈല്‍ നാമത്തില്‍ (കൂതറHashimܓ) വന്നിട്ടുണ്ടെങ്കില്‍ അത് ഞാന്‍ അല്ലാ, അതു മറ്റേ പഹയന്റെ പണി ആയിരിക്കും. പേരും ഇമെയില്‍ ഐഡിയും വെബ്സൈറ്റ് അഡ്രെസ്സും കൊടുത്തു കൊണ്ട് കമന്റ് ഇടാനുള്ള ഓപ്ഷനില്‍ കയറി എന്റെ പ്രൊഫൈല്‍ നയിമും (കൂതറHashimܓ) ഇമെയില്‍ ഐഡിയും വെബ്സൈറ്റ് അഡ്രെസിന്റെ ഭാഗത്ത് എന്റെ പ്രൊഫൈല്‍ പേജിന്റെ അഡ്രെസ്സും കൊടുത്താല്‍ തീര്‍ച്ചയായും എല്ലാവരും കരുതുക അതു ഞാന്‍ എന്നത് തീര്‍ച്ച!

പ്രിയ സുഹൃത്തുക്കളെ, എന്റെ പേരില്‍ (കൂതറHashimܓ) നിങ്ങളുടെ ബ്ലോഗില്‍ വരുന്ന തെറി കമന്റുകള്‍ കാണുമ്പോള്‍ അതിന്റെ കൂടെ ഒന്നുങ്കില്‍ എന്റെ പ്രൊഫൈല്‍ ഫോട്ടൊ (ബ്ലാക്ക് ഫോട്ടൊ) അല്ലെങ്കില്‍ ബ്ലോഗ് എംബ്ലമായ B ഇവ ഉണ്ടോ എന്നു ഉറപ്പു വരുത്തുക, ഇവ ഇല്ലാതെ കണുന്ന കമന്റുകള്‍ മറ്റേ പഹയന്റെ പണി ആയിരിക്കും.
(ഇനി ഇവ ഉള്‍പെടുത്തിയും അനോണികള്‍ക്ക് വരാന്‍ പറ്റുമോ എന്നറിഞ്ഞൂടാ.. ബ്ലോഗ് വിദക്തര്‍ പറയട്ടെ.... )

എനിക്ക് വന്ന അപരന്‍ കമന്റുകളും അനോണി കമന്റുകളും കട്ട് പേസ്റ്റ് ചെയ്ത് ഒരു പേജ് ആയി സെറ്റ് ചെയ്ത് വച്ചിട്ടുണ്ട്, ആ കമന്റുകള്‍ കണ്ടേ തീരൂ എന്നുള്ളവര്‍ക്ക് ഇവിടെ നിന്നും വായിക്കാം.
എന്റെ ബ്ലോഗ് പോസ്റ്റില്‍ നിന്നും ആ കമന്റുകള്‍ കളഞ്ഞെങ്കിലും അതു അയച്ച വ്യക്തിയുടെ പേര് (അനോണീ നെയിം) അവിടെ തന്നെ ഉണ്ട്, ഇവിടേയും (പോക്കരാക്ക said... , കൂതറHashimܓ said... , കൂതറHashimܓ said... said... ഇവ മൂന്നും ശ്രദ്ധിക്കുക) ഇവിടേയും (പോക്കരാക്ക said... , മയ്മാക്ക said... ഇവ രണ്ടും ശ്രദ്ധിക്കുക ) ക്ലിക്കി അതിലേക്ക് എത്താം. അതിലെ പേരുകളില്‍ ക്ലിക്കി നോക്കുക, എല്ലാ ലിങ്കുകളും ബെര്‍ളിത്തരങ്ങളിലേക്കാണ് പോകുന്നത്

മറ്റേ പഹയനോട് ഒരു വാക്ക്:

പ്രിയ അജ്ഞാത സുഹൃത്തേ,
നമുക്ക് കിട്ടുന്ന ജീവിതം കുറച്ചു വര്‍ഷങ്ങള്‍ മാത്രം. അതില്‍ നാം ബ്ലോഗിലൂടെ പങ്കുവെക്കുന്ന നിമിഷങ്ങള്‍ വളരെ തുച്ചവും. ഈ ചെറിയ സമയം സ്നേഹവും സന്തോഷവും പങ്കിടാന്‍ ഉപയോഗിക്കുന്നതല്ലേ നല്ലത്, അതല്ലേ എല്ലാവരും ആഗ്രഹിക്കുന്നതും.
ഈ ചുരുങ്ങിയ സമയത്തിനിടക്ക് ശത്രുതയും വെറുപ്പും എന്തിന്? അതു കൊണ്ട് ആര്‍ക്ക് പ്രയോജനം?. കമന്റുകള്‍ അനോണി ആയി ഇടുന്നതിനോട് എനിക്ക് എതിര്‍പ്പില്ലാ, പക്ഷെ അതില്‍ ഉപയോഗിക്കുന്ന പേരുകള്‍ മറ്റു ബ്ലോഗര്‍മാരുടെതാവുമ്പോള്‍..............! അതു വേണ്ടാ....., ആ വ്യക്തിയെ തെറ്റിദ്ധരിക്കാന്‍ അതു ഇടയാക്കും. നമുക്കിവിടെ സ്നേഹവും സന്തോഷവും മാത്രം പങ്കിടാം നല്ലതിനു വേണ്ടി അല്‍പ്പം വിമശനവും ആവാം, നന്മയോടെ മാത്രം!!!
എന്റെ അപരനും അജ്ഞാത സുഹൃത്തിനും ക്ഷേമം നേരുന്നു. ദൈവം താങ്കളെ അനുഗ്രഹിക്കട്ടെ.

സസ്നേഹം,
കൂതറHashimܓ

(പഹയന്‍ എന്നത് മലബാര്‍ പ്രദേശത്ത് ബഹുമാനതോടേയും സ്നേഹതോടേയും “എട പഹയാ.. ഇജ്ജ് ആള് കൊള്ളാലോ” എന്ന് പ്രയോഗിക്കാറുണ്ട്. പഹയന്‍ എന്ന എന്റെ പ്രയോഗം ആ അര്‍ത്ഥത്തില്‍ മാത്രം കാണുക.)

ട്രാഫിക് ബ്ലോക്ക് | മനോരമ മൊബൈല്‍ മൂവി 2010 ബെസ്റ്റ് ഫിലീം

2010-03-27T12:30:00.005+05:30

മനോരമ സഘടിപ്പിച്ച മൊബൈല്‍ സിനിമ മത്സരത്തില്‍ ഫൈനല്‍ റൌണ്ടില്‍ എത്തിയ അഞ്ച് ഹൃസ്വ ചിത്രങ്ങളില്‍ സക്കരിയ സംവിധാനം ചെയ്ത ട്രാഫിക് ബ്ലോക്ക് മികച്ച ചിത്രമായി തിരഞ്ഞെടുക്കപെട്ടു.

ഗതഗത കുരുക്കിനെ ആസ്പതമാക്കി നിര്‍മിക്കപെട്ട ട്രാഫിക് ബ്ലോക്ക് പ്രകൃതി ഉറുമ്പുകള്‍ക്ക് നല്‍കിയ സഞ്ചാര രീതി (എത്ര വലിയ കൂട്ടം ആണെങ്കിലും ഒട്ടും വഴി തെറ്റാതെ പരസ്പരം അടുത്തറിഞ്ഞും ആശയങ്ങള്‍ കൈമാറിയും) യെ പ്രദിപാതിക്കുന്നതോടൊപ്പം ഉറുമ്പിനെ പോലും നോവിക്കാന്‍ ഇഷ്ട്ടപ്പെടാത്ത കുരുന്ന് ബാല്യങ്ങളെ വരച്ച് കാട്ടുന്നു

സക്കരിയ,

കാലികറ്റ് യൂനിവേഴ്സിറ്റിയില്‍ ജേണലിസം പോസ്റ്റ് ഗ്രാജുവേഷന്‍ വിദ്യാര്‍ത്ഥി. റിവോള്‍വ്, ഇരവംശം എന്നീ ഷോട്ട് ഫിലീമുകള്‍ സംവിധാനം ചെയ്തിട്ടുണ്ട്, രാജ്യാന്തര ഭീകരവാദത്തെ ആസ്പതമാക്കി നിര്‍മിച്ച ഇരവംശം, റിവോള്‍വ് എന്നിവ ഒട്ടേറെ ഫിലീം ഫെസ്റ്റുകളില്‍ പ്രദര്‍ശിപ്പിക്കപെടുകയും അഭിനന്ദനങ്ങള്‍ക്ക് അര്‍ഹമാവുകയും ചെയ്തിട്ടുണ്ട്.

റിവോള്‍വ് എന്ന ഷോട്ട് ഫിലീമിന്, ‘ഇന്ത്യാ ഇന്റെര്‍നഷണല്‍ യൂത് ഫിലീം ഫെസ്റ്റിവെല്‍ 2010’ (India International Youth Film Festival 2010) ലേക്ക് ഔദ്യോഗിക ക്ഷണം ലഭിക്കുകയും ഒട്ടേറെ അനുമോദനങ്ങള്‍ കിട്ടുകയും ചെയ്തു

ഇലയനക്കങ്ങല്‍, മക്കള്‍ എന്നീ ടെലീഫിലീമുകള്‍ സക്കരിയ സംവിധാനം ചെയ്തിട്ടുണ്ട്

സക്കരിയ സംവിധാനം ചെയ്ത ട്രാഫിക് ജാം

രണ്ടാം സമ്മാനം: വിത്ത്, സംവിധാനം: പ്രവീണ്‍

മൂന്നാം സമ്മാനം: ദി മാസ്ക്, സംവിധാനം: മിറാഷ് ഖാന്‍

ഫൈനല്‍ റൌണ്ടിലെ ഫിലീമുകള്‍ ഇവിടെ നിന്നും കാണാം

വിധികര്‍ത്താക്കള്‍

ജയരാജ്
പൈതൃകം, ദേശാടനം, കളിയാട്ടം, കാരുണ്യം തുടങ്ങി മലയാളത്തിന് മനം നിറയെ കലാമൂല്യമുളള ചിത്രങ്ങള്‍ സമ്മാനിച്ച സംവിധായകനാണ് ജയരാജ്. കലാമൂല്യമുളള ചിത്രങ്ങളുടെ വക്താവ് എന്നുപറയു മ്പോളും സമാന്തരമായി കൊമേഴ്ഷ്യല്‍ ചിത്രങ്ങളിലും വേറിട്ട സാന്നിധ്യമാണ് നിരവധി തവണ ദേശീയതലത്തില്‍ അംഗീകാരം നേടിയ ജയരാജ്. ആര്‍ട്ട് പടമായാലും കൊമേഴ്ഷ്യലായായലും ജയരാജിന്റെ കൈകളില്‍ ഭദ്രം. മമ്മൂട്ടി നായകനായ ലൌഡ് സ്പീക്കറാണ് ജയരാജിന്റേതായി അവസാനം റിലീസായ ചിത്രം.

പ്രദീപ് നായര്‍

ലൈംഗിക തൊഴിലാളിയുടെ ജീവിതകഥ അവതരിപ്പിച്ചു കൊണ്ട് ഒരിടം എന്ന ഒരൊറ്റ ചിത്രത്തിലൂടെ ഇന്ത്യന്‍ സിനിമയില്‍ ശ്രദ്ധ നേടിയ സംവിധായകനാണ് പ്രദീപ് നായര്‍. ചലച്ചിത്രത്തിന് പുറ മേ ഒട്ടേറെ ഡോക്യുമെന്ററികളും നിരവധി ഹ്രസ്വ ചിത്രങ്ങളും പ്ര ദീപ് സംവിധാനം ചെയ്തിട്ടുണ്ട്. ഒരിടം എന്ന ചിത്രം 2004ലെ ദേശീയ ചലച്ചിത്ര പുരസ്ക്കാര ചടങ്ങില്‍ പ്രത്യേക ജൂറി പരാമ ര്‍ശം നേടി. പൃഥ്വിരാജിനെ നായകനാക്കി ഐ ഹാവ് എ ഡ്രീം എന്ന ചിത്രത്തിന്റെ പണിപ്പുരയിലാണ് പ്രദീപിപ്പോള്‍.

എന്തുകൊണ്ട് ട്രാഫിക് ബ്ലോക്ക് എന്ന ചിത്രത്തിന് ഒന്നാം സ്ഥാനം നല്‍കി? വിധികര്‍ത്താക്കള്‍ പറയുന്നു

ജയരാജ്

പ്രദീപ് നായര്‍

വിധികര്‍ത്താക്കളുടെ വിലയിരുത്തലുകള്‍ മനോരമയില്‍ നിന്നും കൂടുതല്‍ അറിയാം

സക്കറിയ സംവിധാനം ചെയ്ത റിവോള്‍വ് എന്ന ഷോട്ട് ഫിലീം ഇവിടെ ക്ലിക്കി കാണാം

(മനോരമ ഔദ്യോദികമായി റിസള്‍ട്ട് പ്രഖ്യാപിക്കും മുമ്പേ ഈ പോസ്റ്റ് ഞാന്‍ ഇട്ടത് മണ്ടത്തരമായി എന്നു തോന്നിയതിനാല്‍ പിന്‍ വലിച്ചിരുന്നു, അത് ഇപ്പൊ ഒന്നൂടെ പോസ്റ്റ് ചെയ്യുന്നു)

മനോരമയോട് മാപ്പ് !!

2010-03-19T17:18:00.005+05:30

ഒന്നാം സമ്മാനം എന്റെ അനിയന് ആണ് എന്നറിഞ്ഞ സന്തോഷത്തില്‍ വേറെ ഒന്നും ആലോചിക്കാതെ ഞാന്‍ ഇട്ട പോസ്റ്റ് , പിന്നെ തോന്നി ഞാന്‍ ചെയ്തത് മണ്ടത്തരം ആണെന്ന്. അതു കൊണ്ട് ഈ പോസ്റ്റ് ഞാന്‍ പിന്‍വലിക്കുന്നു.

ഇതേ വിഷയം ആസ്പതമാക്കി എന്റെ പുതിയ പോസ്റ്റ് ട്രാഫിക് ബ്ലോക്ക് | മനോരമ മൊബൈല്‍ മൂവി 2010 ബെസ്റ്റ് ഫിലീം

മനോരമ ഔദ്യോദികമായി ഫലം പ്രഖ്യാപിക്കും മുമ്പെ ഞാന്‍ എന്റെ ബ്ലോഗില്‍ ഈ വിഷയം പബ്ലിഷ് ചെയ്തതിന് മനോരമയോട് മാപ്പ് ചോദിക്കുന്നു

സൂര്യാടിവി ബഹിഷ്ക്കരണത്തില്‍ പങ്കുചേരുക

2010-02-28T20:43:00.009+05:30

ഞാന്‍ രണ്ടാഴ്ചത്തേക്ക് ഇനി സൂര്യാടിവി കാണില്ലാ, കൂതറ പരിപാടിയാ അവര്‍ ചെയ്തത്. ബ്ലോഗില്‍ നിന്നും പോസ്റ്റ് മോഷ്ട്ടിക്കുക എന്നിട്ടത് അനുവാദം കൂടാതെ ടെലികാസ്റ്റ് ചെയ്യാ..!! നാണമില്ലേ സൂര്യേ നിനക്ക് ??

ബെര്‍ലീടെ ‘നെയ്യപ്പം ദുരന്തം: ഒരു ന്യൂസ് അവര്‍ അവതരണം’ എന്ന പോസ്റ്റ് വീണ്ടും മോഷ്ട്ടിക്കപെട്ടിരിക്കുന്നു. ‘സൂര്യാ ടിവിയോട് രണ്ടു വാക്ക് (നാലെണ്ണം പറയേണ്ടതാണ്..)’ എന്ന ബെര്‍ലീടെ പോസ്റ്റില്‍ നിന്നും കൂടുതല്‍ അറിയാം. ‘നെയ്യപ്പം ദുരന്തം: ഒരു ന്യൂസ് അവര്‍ അവതരണം’ എന്ന പോസ്റ്റ് ജാക്ക് ആന്റ് ജില്‍ എന്ന ഫോര്‍വേഡ് മെയിലിന്റെ അനുകരണം(മോഷണമല്ലാ, അനുകരണം മാത്രം) ആണെന്ന ആരോപണം മുഖവിലക്കെടുത്ത് ഞാന്‍ അച്ചായന്റെ കുറെ 'തന്തക്ക് വിളി' പോസ്റ്റുകള്‍ ബഹിഷ്കരിച്ചതാ

ഈ ബഹിഷ്ക്കരണം എന്ന പരിപാടി ഇപ്പൊ പുതിയ ട്രെന്റാ.. ബഷീര്‍ വള്ളിക്കുന്നാണ് ഈ ബഹിഷ്ക്കരണം ബൂലോകത്തിന് പരിജയപെടുത്തിയത്.

ബ്ലോഗ് മോഷണത്തെ അവലപിക്കുന്ന എല്ലാ മലയാളി ബ്ലോഗര്‍മാരും സൂര്യാടിവി ബഹിഷ്ക്കരണത്തില്‍ പങ്കുചേരണമെന്ന് ആഹ്വാനം ചെയ്യുന്നു|അഭ്യര്‍ത്ഥിക്കുന്നു.

മുന്‍കരുതല്‍

2010-02-12T11:36:00.007+05:30

U R kindly informed dat 

കൂതറാ's mobile +919895460920 

vil b switched off on Feb 14 

to avoid unwanted proposals. 

pls inform all girls

മോഷണം

2010-02-07T16:06:00.005+05:30

മോഷണം...!!!!
ബ്ലൊഗ് മോഷണത്തെ പറ്റിയല്ലാ..
ഇതു നൂറ്റാണ്ടിന്റെ മോഷണാ, വർഷങ്ങളായി തുടരുന്ന മോഷണം.
(കൂടുതൽ എഴുതിയാൽ ചിത്രത്തിനുള്ള മുൻതൂക്കം നഷ്ട്ടപെട്ടേക്കും..!!!)

(ചിത്രത്തിൽ ക്ലിക്ക് ചെയ്താൽ പൂർണ രൂപത്തിൽ കാണാം)

റിവോൾവ് | SHORT FILM

2010-02-07T16:02:00.000+05:30

കഥ, തിരകഥ, സംഭാഷണം: സക്കരിയ

ഛായാഗ്രഹണം: സക്കരിയ

ചിത്രസംയോജനം: ശിവ തെല്ലിയൂർ

സംഗീതം: അമീൻ യാസിർ

നിർമാണം: സർഗാലയ

സംവിധാനം: സക്കരിയ

റിവോൾവ്... ഇത് രണ്ട് യുവാക്കളുടെ കഥ,
ഒന്നാമൻ, 1975ലെ അടിയന്തിരാവസ്ത കാലത്തെ ഒരു ജേണലിസ്റ്റ്.
രണ്ടാമൻ, ആധുനിക ജേണലിസം വിദ്യാർത്ഥി. പ്രൊജക്റ്റിന്റെ ഭാഗമായി ഇവൻ ചെന്നെത്തുന്നതു ആദ്യ യുവാവിന്റെ തിരോധാനത്തിലേക്ക്.........

ഭാഗം ഒന്ന്

ഭാഗം രണ്ട്

ബ്ലോർത്താൽ (ബ്ലോഗ് ഹർത്താൽ)..!!!

2010-01-06T19:56:00.010+05:30

2010 വന്നതിൽ പിന്നെ എനിക്കൊന്നും എഴുതാൻ കിട്ടണില്ലാ. ഒത്തിരി പരതി നോക്കി വല്ല കൂതറ സബ്ജക്റ്റും കിട്ടുമോന്നു, ഒത്തിരി ബ്ലോഗുകളിലും നോക്കി. ബട്ട് നോ രക്ഷാ…!!

ആഹാ….. ഇപ്പളാ മനസ്സിലായെ ബ്ലൊപ്പുലി(ബ്ലോഗ് പുലി)കൾക്കു പോലും ഒന്നും എഴുതാൻ കിട്ടണില്ലാന്ന്. ബെർളീടെ പൊസ്റ്റ് നിറയെ ഇപ്പൊ ബെർളി തന്നേയാ സബ്ജക്റ്റ്. ഇങ്ങനെ പോയാൽ നാളെ പുള്ളി അപ്പിയിടണ കാര്യവും എഴുതും എന്നാ തോന്നണെ (പടം കൂടെ കൊടുക്കായിരിക്കും അല്ലേ..?).

ബഷീർ വള്ളിക്കുന്നിനും ചവറു സബ്ജക്റ്റ് മാത്രേ ഒള്ളൂ ഇപ്പോ. എന്നിട്ടു സാഹിബ് പറയാ ബല്യ ബല്യ കാര്യങ്ങൽ പറഞ്ഞ് ഇപ്പൊ ഇച്ചിരി റിലാക്സിനു ബേണ്ടീട്ടാ ഇത്തരം കൂതറത്തരങ്ങൾ പറയുന്നതെന്നു (ഹി ഹി ഹീ… ക്ലിക്കിയാ കാണാം).

ഇതൊക്കെ കണ്ടപ്പൊ ഈ കൂതറക്കു ഹാപ്പിയായി, നല്ല സബ്ജക്റ്റുകൾ കിട്ടാനില്ലാതപ്പോ എന്ത് കൂതറത്തരവും എഴുതുന്നതിലും നല്ലതു.............................. (യുവർ ചോയിസ്, ഇവർക്കുള്ള പണി നിങ്ങൾ കൊടുത്തോ.. ഞാൻ കൊടുത്താൽ കുറഞ്ഞു പോയാലോ..!!)
(ബെർലിചായന്റേം ബഷീർക്കാടേം ബ്ലൊഗുകൾ മാത്രേ സ്തിരായി വായിക്കാറുള്ളൂ, ബാക്കി പുലികളെ പയ്യെ കണ്ടു പിടിക്കണം)

സബ്ജക്റ്റ് ക്ഷാമത്തിനെതിരെ ഒരു ബ്ലോർത്താൽ(ബ്ലോഗ് ഹർത്താൽ) സങ്കടിപ്പിച്ചാലോ…?? സാഹിബിന്റെ സപ്പോട്ട് ഉറപ്പിക്കാം. ഇച്ചായനെ കിട്ടാൻ പാടാ, പുള്ളീടെ ലിസ്റ്റിൽ അപ്പിയിടൽ എന്ന സബ്ജക്റ്റ് കൂടി ബാക്കിയുണ്ടത്രേ. ആഞ്ഞു പിടിച്ചാണേലും രണ്ടു മൂന്നു പൊസ്റ്റുകൾക്കുള്ള വക ഇച്ചായൻ ഒപ്പിക്കായിരിക്കും (ഇച്ചായൻ ആരാ മോൻ!!)

ബ്ലൊപ്പുലികൾ മാത്രം കമന്റിയാ മതി…!!!! :) (കമന്റുന്നവരെ എല്ലാം പുലികളായി കണക്കാക്കും)

വിട 2009..!!

2009-12-31T19:51:00.006+05:30

മഞ്ഞു തുള്ളിയുടെ നൈര്‍മാല്യത്തോടെ കാലത്തിന്റെ അരങ്ങില്‍ ഒരു വര്‍ഷത്തിനും കൂടി യവനിക വീഴുകയായ്‌,
പിന്നിട്ട വഴികളില്‍ കണ്ടു മുട്ടിയ ഒരുപാടു മുഖങ്ങൾ, എക്കാലവും ഓര്‍ത്തിരിക്കാൻ ചില സൌഹൃദങ്ങള്‍, ആഹ്ലാദത്തിന്റെ മറക്കനാവാത്ത ദിനങ്ങൾ, നിനച്ചിരിക്കാതെ നേരിടേണ്ടി വന്ന നിസ്സഹായ നിമിഷങ്ങൾ, ഓര്‍ക്കാതെ കൈവന്ന സൌഭാഗ്യങ്ങൾ, വിരല്‍ത്തുമ്പിൽ വെച്ചു വീണുടഞ്ഞ സ്വപ്നങ്ങള്‍, എന്നും തണലായ് നിന്ന സുഹൃത്തുക്കൾ, ഇരൂളടഞ്ഞ വീഥികളിൾ എന്നും പ്രത്യാശയുടെ തിരിനാളമായ്‌ കത്തിനിൽക്കുന്ന ദൈവസാനിധ്യം. ഒട്ടേറെ വഴിത്തിരിവുകൾ നമുക്കായ് ചേര്‍ത്തുവെച്ചുകൊണ്ട്‌ ഒരു പുതുവര്‍ഷം കൂടി. ഏവര്‍ക്കും

Please Help ടിന്റുമോൻ..............

2009-12-16T23:50:00.009+05:30

I am ടിന്റുമോൻ K.T., studying in UKG-B,

ചെറുപുഷ്പം ഹൈസ്കൂൾ, അത്താനി P.O കേരള

I lost my റബ്ബർ വെച്ച pencil (pencil with an eraser attached),The pencil costs Rs 2.75/-.

That ഉണ്ടക്കണ്ണി(round eyed) കല്യാണി should have taken it.

ചോദിക്കാൻ ചെന്ന എന്നെ അവൾ പിച്ചി, മാന്തി, കടിച്ചു.

So, I have an agreement with GOOGLE,

each time this email is forwarded, I will get 1 paisa from GOOGLE.

I don't know you, but if you have a good heart..!

Plz forwards this to at least 10 persons. 

Please don't neglect this. 

One boy in LKG-A neglected this and his pencil got broken while writing!!!!! !!. 

Another ചേട്ടൻ from 3-C sent this to 12 friends and he got a surprise gift of a dozen pencils from Natraj!!!!!! !!!..

May God bless you.

(എന്റെ Friend ദീപേഷ് അയച്ചുതന്ന സ്ക്രാപിന്റെ എഡിറ്റഡ് കോപ്പി)

ഹൃദയത്തിന്‍റെ ചുവപ്പ്

2009-12-13T20:11:00.000+05:30

“ഒരുനാള്‍ എന്‍റെ ഹൃദയത്തിന്‍റെ ചുവപ്പ് നീ തിരിച്ചറിയും,

അന്നെന്‍റെ രക്തം കൊണ്ട് മേഘങ്ങള്‍ ചുവക്കൂം,

എന്‍റെനിശ്വാസത്തിന്‍റെ കാറ്റില്‍ ചുവന്ന മഴയായി പെയ്യും

അന്ന് ഭൂമിയിലെ മുഴുവന്‍പൂക്കളും ചുവന്ന് പൂക്കും

അപ്പോള്‍ ഒരുപക്ഷേ

ഞാന്‍ മരിച്ചിരിക്കും....”

ചെഗ്വേര.

“പാ.......“ യിൽ ബച്ചനു 13 !!

2009-11-09T23:58:00.001+05:30

പുതിയ ഒരു ബോളീവൂണ്ട് സിനിമയെ കുറിച്ച് കൂതറ ഇന്നലേയാ അറിഞ്ഞത്.
പാ..(‌‌Paa) , ബിഗ്ബി ഈ പടത്തിൽ 13 വയസ്സുള്ള ‘ഓറോ’ (Auro) എന്ന പയ്യന്റെ കാരക്റ്ററാ ചെയ്യണത്. അബിഷേക് ‘ഓറോ’ ന്റെ അഛ്ചനായും :)

പാ യെ പറ്റി ചെറു വിവരം
'Paa' starring 'Amitabh Bachan, Abhishek Bachan, Paresh Rawal and Vidya Balan in the lead casts has increased the curiosity among the viewers to know about the storyline of the movie.

Highlights of this movie:

* Big B is playing the role of a son, while his son ‘Abhishek’ is playing the father`s role
* Big B will appear in a phenominal look, which is sure to drag many viewers to the theatre.
* Movie lovers are quite excited to watch both father (Amitabh) and son (Abishek) in the same movie.
* The story is about a 13 year old boy who suffers from Progeria a terminal disease. A deep research has been done about this disease. Kids affected by this problem become bald and their veins are shown prominently on their heads which enlarge to a size beyond normal. Their teeth and eyes are also affected because of this disease. Big B has to stick many pieces of clay to get the exact look on his face and spent more than 4 hours for make up and cannot eat or drink once the make up is done and also shaved off the hair on his head and hands so that the veins will be clearly seen. It is also that he cannot move even an inch once the make is done.
* The movie potrays about a father and son relationship
* Stephen Dupuis who did Robin William`s make up in Mrs.Doubtfire has been roped in as a make up artiste to give a phenomenal look to Big B.
* Music is composed by Ilayaraaja and Paa is produced under Amitabh Banner AB Corporation and also stars his son Abhishek
(മലയാളത്തിൽ ടൈപ്പാൻ കൂതറക്ക് മനസ്സില്ലാ.. :)

പാ യെ പറ്റി അബിഷേകിൽനിന്ന് കേൾക്കാം

ചെറിയ ഒരു ടൈലർ

ഡിസംബർ 4 നു റിലീസ്
ടൈലർ കണ്ടപ്പോളേ കൂതറക്കുറപ്പായി.. “പടം സൂപ്പർ ഹിറ്റാകും മോനേ..”

ജീവനില്‍ കൊതിയുള്ളവര്‍ ഇവിടങ്ങളില്‍ ശ്രദ്ധിക്കുക!

2009-10-29T18:40:00.013+05:30

റോഡപകടങ്ങള്‍ സംബന്ധിച്ചു ഗതാഗതകമ്മിഷണര്‍ തയാറാക്കിയ റിപ്പോര്‍ട്ടില്‍ പരാമര്‍ശിക്കുന്നവിവിധ ജില്ലകളിലെ മരണമേഖലകള്‍ താഴെപ്പറയുന്നു.

ഏറ്റവും കൂടുതല്‍ അപകടമരണസാധ്യത ആലപ്പുഴ ജില്ലയിലാണെന്നു റിപ്പോര്‍ട്ടിലുണ്ട്‌. ഇവിടെ 35 സ്‌ഥലങ്ങള്‍ മരണമേഖലയാണ്‌.

തൊട്ടടുത്ത സ്‌ഥാനം എറണാകുളത്തിനാണ്‌-33. തിരുവനന്തപുരം-25, തൃശൂര്‍-24, ഇടുക്കി-അഞ്ച്‌, കോട്ടയം-ഏഴ്‌, കൊല്ലം-15, പത്തനംതിട്ട-13, പാലക്കാട്‌-ആറ്‌, വയനാട്‌- ഒന്‍പത്‌, മലപ്പുറം-ഒന്‍പത്‌, കോഴിക്കോട്‌-26, കാസര്‍ഗോഡ്‌-4 എന്നിങ്ങനെയാണു റോഡുകളില്‍ ജീവന്‍ പൊലിയാനിടയുള്ളസ്‌ഥലങ്ങളായി റിപ്പോര്‍ട്ടില്‍ പറയുന്നത്‌.

ജീവനില്‍ കൊതിയുള്ളവര്‍ ഇവിടങ്ങളില്‍ ശ്രദ്ധിക്കുക!

തിരുവനന്തപുരം: ജഗതി ജംഗ്‌ഷന്‍, പേട്ട മാര്‍ക്കറ്റ്‌, സതീന്ദ്ര ഓഡിറ്റോറിയം ഈഞ്ചക്കല്‍, ആക്കുളംപാലം, കാര്യവട്ടം, ചാവടിമുക്ക്‌, കല്ലമ്പളളി, പള്ളിച്ചല്‍-നേമം, ഗവ. യു.പി. ജംഗ്‌ഷന്‍ നേമം, കാരയ്‌ക്കാമണ്ഡപം, വെള്ളാര്‍, മുക്കോല, സി.ആര്‍.പി. ക്യാമ്പ്‌-പുരക്കോട്‌, ഇന്റര്‍നാഷണല്‍ സ്‌കൂള്‍ജംഗ്‌ഷന്‍, എ.ജെ. കോളജ്‌ ജംഗ്‌ഷന്‍, ടെക്‌നോപാര്‍ക്ക്‌, പേയാട്‌, പള്ളിമുക്ക്‌, ബാലരാമപുരം, പല്ലൂര്‍ക്കുഴി, ഉദിയന്‍കുളങ്ങര കോളജ്‌ വളവ്‌, സ്‌പാന്‍ ആശുപത്രി ജംഗ്‌ഷന്‍, പേരൂര്‍ക്കട-വെള്ളയമ്പലം റോഡ്‌, പപ്പാല, മാമം.

കൊല്ലം: നിലമേല്‍, കണ്ണങ്കോട്‌, പുതിയകാവ്‌, ഓച്ചിറ ബൈപ്പാസ്‌ ജംഗ്‌ഷന്‍, കല്ലുംപാറം ജംഗ്‌ഷന്‍-കരുനാഗപ്പളളി, പൈനാപ്പിള്‍ ജംഗ്‌ഷന്‍-പുനലൂര്‍, അറപ്പുന്ന-പുനലൂര്‍, പരിമണം-ചവറ, മേലേക്കോട്‌-ചാത്തന്നൂര്‍, ചാത്തന്നൂര്‍ ജെ.സി.ടി, കൊല്ലങ്കട, കല്ലുവാതുക്കല്‍, പാരിപ്പള്ളി, കോടംപട്ടുകോണം-പരവൂര്‍, അഞ്ചല്‍ ടൗണ്‍, മാമോട്‌-കുണ്ടറ.

പത്തനംതിട്ട: ഇടിഞ്ഞില്ലം-നെല്ലാട്‌-തിരുമൂലപുരം-തിരുവല്ല, വകയാര്‍, കലഞ്ഞൂര്‍, മാന്തുക-പന്തളം, ളാഹ വലിയവളവ്‌-പമ്പ, കമ്പകത്തുംവളവ്‌, തെക്കേമല, മണ്ണാറക്കുളഞ്ഞി-റാന്നി, തെക്കേമല-കോഴഞ്ചേരി, മൈലപ്ര, വര്യാപുരം, അടൂര്‍ ഹൈസ്‌കൂള്‍ ജംഗ്‌ഷന്‍.

ആലപ്പുഴ: കരുവാറ്റ ജംഗ്‌ഷന്‍, വഴിയമ്പലം, കല്‌പകവാടി, കാഞ്ഞൂര്‍, ഒ.എന്‍.കെ. ജംഗ്‌ഷന്‍, വളവനാട്‌, കണിച്ചുകുളങ്ങര, അരൂര്‍-ഏരുമാലൂര്‍, മില്‍മാ ജംഗ്‌ഷന്‍-കുത്തിയതോട്‌, എക്‌സ്റേജംഗ്‌ഷന്‍-ചേര്‍ത്തല, അര്‍ത്തുങ്കല്‍ ബൈപ്പാസ്‌, വയലാര്‍ കവല, ടൈറ്റാനിക്‌ പാലം, മങ്കൊമ്പ്‌സി.പി.എം ഓഫീസിനു സമീപം, പൂങ്കാവ്‌, പാതിരപ്പള്ളി ജംഗ്‌ഷന്‍, ഉദയാ സ്‌റ്റുഡിയോ, കെ.വി. ജെട്ടി, പവര്‍ഹൗസ്‌ ജംഗ്‌ഷന്‍, കോമഡി ജംഗ്‌ഷന്‍, തുമ്പോളി ജംഗ്‌ഷന്‍, വൈ.എം.സി.എ. പാലം, തുമ്പോളിടൗണ്‍, ചങ്ങനാശേരി-പള്ളാത്തുരുത്തി, തിരുവമ്പാടി, കലത്താട്ട്‌-ആലപ്പുഴ, കെ.പി.എസ്‌.സിജംഗ്‌ഷന്‍, തത്തംപള്ളി, കൊട്ടാര വളവ്‌-തോട്ടമ്പള്ളി പുത്തന്‍പാലം, തോട്ടപ്പള്ളി പാലം-മാതുരി-അമ്പലപ്പുഴ, കാരൂര്‍-അമ്പലപ്പുഴ, നെടുമുടി, അമ്പലപ്പുഴ-കക്കാരം.

കോട്ടയം: പട്ടിത്താനം, അടിച്ചിറ ജംഗ്‌ഷന്‍, എരുമേലി പമ്പാവാലി വളവ്‌, മുത്തോലി വളവ്‌, ചേര്‍പ്പുങ്കല്‍ കോളജ്‌ സ്‌കൂള്‍-പാലാ, മേലാപറമ്പ്‌ വളവ്‌, മാവലങ്ക്‌ ജംഗ്‌ഷന്‍.

ഇടുക്കി: വെങ്ങല്ലൂര്‍-തൊടുപുഴ, മലങ്കര, നേര്യമംഗലം, വണ്ടിപ്പെരിയാര്‍, മുരിങ്ങപ്പുഴ മുപ്പത്തഞ്ചാം മൈൽ .

എറണാകുളം: ചോറ്റാനിക്കര, കൂത്താട്ടുകുളം ടൗണ്‍, പള്ളിത്താഴം ജംഗ്‌ഷന്‍, നങ്ങേലി ആശുപത്രി, എം.എ. കോളജ്‌ ജംഗ്‌ഷന്‍, കോലഞ്ചേരി, പേപ്പതി സിഗ്‌സാഗ്‌ വളവ്‌, പുത്തന്‍കുരിശ്‌, പുല്ലുവഴി, കീഴില്ലം, എം.ജി. റോഡ്‌-വഴിയൂര്‍ സൈഡ്‌, ബൈപ്പാസ്‌ റോഡ്‌, പാലാരിവട്ടം, കപ്പലണ്ടിമുക്ക്‌, പള്ളുരുത്തി, അരൂര്‍ ജംഗ്‌ഷന്‍-വൈറ്റില, പരവൂര്‍ പത്താംമൈല്‍, ഇടപ്പള്ളി, കളമശേരി, ടി.വി.എസ്‌. ജംഗ്‌ഷന്‍, എച്ച്‌.എം.ടി. ജംഗ്‌ഷന്‍, പതാളം, ഞാറയ്‌ക്കല്‍, കുഴുപ്പള്ളി-ഞാറയ്‌ക്കല്‍, കെ.എന്‍.കെ. ജംഗ്‌ഷന്‍, പുതിയകാവ്‌ ജംഗ്‌ഷന്‍, തോപ്പുംപടി ജംഗ്‌ഷന്‍, ഏറ്റുമാനൂര്‍-എറണാകുളം റോഡ്‌ നാരോബ്രിഡ്‌ജ്, ആലുവ മുന്‍സിപ്പല്‍ ടൗണ്‍, പുളിഞ്ചോട്‌, മുട്ടം ഇന്‍ഫോ പാര്‍ക്ക്‌.

തൃശൂര്‍: പുഴക്കല്‍, ഗ്രാമീണകയറ്റം, പത്താംകല്ല്‌, മണ്ണുത്തി, ചീരാച്ചി ജംഗ്‌ഷന്‍, വാണിയംപാറ, മുടിക്കോട്‌, കുറുമാളി, പെരുംപിലാവ്‌, മുണ്ടൂര്‍, കാണിപ്പയ്യൂര്‍, ഇടക്കഴിയൂര്‍, മാമ്പ്രാണം വര്‍ണ തിയറ്റര്‍, കരൂപടന, പുല്ലൂര്‍ ഹോസ്‌പിറ്റല്‍ ജംഗ്‌ഷന്‍, കരുവണ്ണൂര്‍, കൂര്‍ക്കഞ്ചേരി, കുറുമ്പില, പെരുമളശേരി, കൊരട്ടി ജംഗ്‌ഷന്‍, കൊടുങ്ങല്ലൂര്‍-കൊത്തംപറമ്പ, നാട്ടിക.

പാലക്കാട്‌: യാക്കര പാലം, മണക്കര, സ്വാതി ജംഗ്‌ഷന്‍, കണ്ണന്നൂര്‍, തച്ചംപാറ-കല്ലടിക്കോട്‌, നൊട്ടമല വളവ്‌.

മലപ്പുറം: കാഞ്ഞിരിക്കാട്‌, പൂക്കിപ്പറമ്പ്‌, മഞ്ചേരി സെന്‍ട്രല്‍ ജംഗ്‌ഷന്‍, തുറയ്‌ക്കല്‍, ചേറുമണ്ണ്‌, പൂച്ചക്കുത്ത്‌, പാലുണ്ട, വട്ടപ്പാറ.

കോഴിക്കോട്‌: രാമനാട്ടുകര സ്‌റ്റാന്‍ഡ്‌, കുണ്ടായിത്തോട്‌ ജംഗ്‌ഷന്‍, അരിക്കാട്‌ ജംഗ്‌ഷന്‍, അഴിഞ്ഞിലംജംഗ്‌ഷന്‍, നല്ലളം വളവ്‌, പന്തീരാങ്കാവ്‌ ബൈപ്പാസ്‌ ജംഗ്‌ഷന്‍, രാമനാട്ടുകര, നടക്കാവ്‌, തൊണ്ടയാട്‌ജംഗ്‌ഷന്‍, എരഞ്ഞിപ്പാലം ജംഗ്‌ഷന്‍, പാവങ്ങാട്‌, കാരന്തൂര്‍, പത്താം മൈല്‍ വളവ്‌, മീഞ്ചന്തബൈപ്പാസ്‌, പന്നിയങ്കര, മാങ്കാവ്‌, ഓമശേരി ജംഗ്‌ഷന്‍, പാലക്കുറ്റി, നല്ലാംകണ്ടി വളവ്‌, ഈങ്ങപ്പുഴ, തിരുവണ്ണൂര്‍, ചേമഞ്ചേരി, തിരുവങ്ങൂര്‍, മൂരാടുപാലം, അയിനിക്കാട്‌, നാദാപുരം.

വയനാട്‌: വെള്ളാരംകുന്ന്‌ വളവ്‌, പാതിരിപ്പാലം, കല്‍പ്പറ്റ പാലം, ദൊട്ടാപാങ്കുളം-സുല്‍ത്താന്‍ബത്തേരി, ദ്വാരക-മാനന്തവാടി, പുല്‍പ്പള്ളി, കൃഷ്‌ണഗിരി പാലം, മീനങ്ങാടിഎഫ്‌.സി.ഐ, കൊളഗപ്പാറ-മീനങ്ങാടി.

കണ്ണൂര്‍: മുഴുപ്പിലങ്ങാട്‌, മാങ്ങാട്‌-ചുണ്ടല്‍, കീച്ചേരി-കല്യാശേരി ഹൈസ്‌കൂള്‍, ചുടല വളവ്‌, കോട്ടമുക്ക്‌.

കാസര്‍ഗോഡ്‌: മാവിലകണ്ടി, അരിക്കാടി ജംഗ്‌ഷന്‍, കോട്ടൂര്‍ വളവ്‌, പടന്നക്കാട്‌.

എസ്‌. നാരായണന്‍ മംഗളം നെറ്റ് എഡിഷനിൽ October 29/2009ന് എഴുതിയ ലേഖനത്തിലെ അവസാന ഭാഗത്തിന്റെ കട്ട്.. പേസ്റ്റ്...
( ഇവിടെ ക്ലിക്കി മംഗളതിൽ നിന്നും പൂർണ്ണമായി വയിക്കാം)

രാഹുൽ സാറിന്റെ സുരക്ഷ! കൂതറേടെ ആശങ്ക!!!

2009-10-20T20:48:00.013+05:30

ഈ വാർത്ത കണ്ടപ്പൊ കൂതറക്ക് ഒത്തിരി പേടി തോന്നി,
രാഹുൽ സാറ് സുരക്ഷ മൈന്റ് ചെയ്യാണ്ട് എന്തിനാ സൈക്കിൾ ഓടിക്കണെ..?!!
വല്ല ഓട്ടോറിക്ഷയും ഇടിച്ചാലോ.......
ചുമ്മാ പറേണ്ണതല്ലാ.... കൂതറയെ ഇടിച്ചതാ..!!
വീട്ടുകാരുടെ സുരക്ഷാ ഉപദേശം വകവെക്കാതെ കൂതറ ബുള്ളറ്റിൽ അഹങ്കാരത്തോടെ വിലസാർന്നു, ഒട്ടും പ്രതീക്ഷിക്കാതെയാ ആ ജീപ്പ് കൂതറയെ വന്നിടിച്ചതു (ചുമ്മാ.... കൂതറ അങ്ങോട്ടു കയറി ഇടിച്ചതാ.. :)
എന്നിട്ടെന്തായി ബുള്ളറ്റും നാശായി കൂതറേടെ ഒരു കാലും കേടായി.!! (അന്ന് മനോരമ കൂതറേടെ ബുള്ളറ്റ് സവായിയെ പറ്റി വാർത്ത ഇട്ടുരുന്നേൽ ആ ജീപ്പ് കാരെങ്കിലും കൂതറേനെ ശ്രദ്ധിച്ചേനെ!!)
ഇപ്പം മനസ്സിലായോ ഈ സുരക്ഷേടെ വില...

കൂതറയും രാഹുൽ സാറും ഒത്തിരി വിത്യാസോണ്ട്
കൂതറേടെ കയ്യിൽ ബുള്ളറ്റാർന്നു, രാഹുൽ സാറിന്റെ കയിൽ സൈക്കിൾ.
കൂതറയെ ഇടിച്ചത് ജീപ്പ്, ....... അതോണ്ട് തന്നെ രാഹുൽ സാറിനെ വല്ല ഓട്ടോറിക്ഷയും ഇടിക്കോന്നാ കൂതറേടെ പേടി..!!!

ആന മുട്ട തന്നെ ഏറ്റവും വലുത്..!!

2009-10-11T22:02:00.011+05:30

ദിനോസറാ വല്യ ജീവി എന്നാ എല്ലാരും പറേണെ,
ഇന്നലേയാ കൂതറക്ക് മനസ്സിലായെ.. ചുമ്മാ പറേണ്ണതാ...ദിനോസർ മുട്ട എന്നു പത്രത്തിൽ കണ്ടപ്പോ കൂതറ കരുതി ആന മുട്ടയെക്കാളും വലുതായിരിക്കുമെന്ന്
ചുമ്മാ.. ഇതിപ്പൊ ഫുട്ബോളിന്റെ അത്രേ ഒള്ളൂ (ഷൈം ദിനൊസറേ... ഷൈം), അപ്പൊ പിന്നെ ആന മുട്ട തന്നെ ഏറ്റവും വലുത്.!!!
ദിനോസറിന് മുട്ടയിടാമെങ്കിൽ ആനക്കെന്താ ആയിക്കൂടെ? അല്ല പിന്നെ..!!!

അതെല്ല ഇപ്പൊ പേടി 65൦ ലക്ഷം വർഷം പഴക്കമുള്ള ആ മുട്ടയിൽ ചിലതു ആരോ അടിച്ചോണ്ടും പോയത്രെ..!! അവരെങ്ങാനും ഇനി അതു വിരിയിക്കാൻ വെക്കോ??
വിരിയട്ടെ..!! എനിട്ട് നമ്മൾക്കും ഉണ്ടാക്കണം ഒരു ജുറാസിക് പാർക്ക്.

പഴശ്ശി രാജായില്‍ പാരഗന്‍ ചെരിപ്പോ?!

2009-10-08T00:35:00.013+05:30

പതിനെട്ടാം നൂറ്റാണ്ടിന്റെ അവസാന കാല കെരളാ ചരിത്രം 25 കോടിയോളം മുതൽ മുടക്കിൽ പുനരാവഷ്കരിച്ചപ്പോ..... 2000 രൂപ കൂടി മുടക്കി WoodLand ഷൂ തന്നെ ആവാർന്നു.... ഇതിപ്പോ..കൂതറ പാരഗൻ..!!!!
(കൂതറക്ക് ഫൊർവേട് ആയി കിട്ടിയതാനു ഈ പടം)

എനിക്കൊന്നും അറിഞ്ഞൂടാ...

2009-09-28T14:48:00.002+05:30

സത്യം....!!! എനിക്കൊന്നും എഴുതാ‍ൻ അറിഞ്ഞൂടാ
ചുമ്മാ എല്ലാർക്കും ബ്ലോഗ് കണ്ടപ്പൊ എനിക്കും ഒരു പൂതി.....ഹ ഹ ഹാ‍...