എമ്മല്ലേക്ക് ഒക്കെ അടുപ്പിലും അവാം..


22 ജൂൺ 2019 ശനി വൈകുന്നേരം 7 മണി വളാഞ്ചേരി ടൗണിൽ തിരക്ക് മൂലം വാഹനം 20 മിനിറ്റോളം ട്രാഫിക്കിൽ കിടന്നു. കോഴിക്കോട് തൃശ്ശൂർ റൂട്ടിലാണു കൂടുതൽ തിരക്ക്. ഈ തിരക്കുകളൊന്നും മാനിക്കാതെ പത്തമ്പത് വാഹനങ്ങളെ മറികടന്ന് വലത് വശത്തുകൂടി എതിർദിശയിൽ വാഹനം പോകുന്ന സൈഡിലൂടെ എമ്മല്ലെ ബോഡ് വെച്ച് ഗ്രേ കളർ ഇന്നോവ പാഞ്ഞ് പോയി ഓപ്പോസിറ്റ് വഴികൂടി ബ്ലോക്കാക്കി.

തിരക്കിൽ നിന്ന് ഒഴിഞ്ഞ് എമ്മല്ലേയുടെ നംബറിൽ വിളിച്ചു. സാറിന്റെ വാഹനം ഗ്രേകളർ ഇന്നോവയാണോ.. സാറിപ്പോ വളാഞ്ചേരി വഴി പാസ് ചെയ്തോ .. ആബിദ് ഹുസൈൻ തങളാണോ .. എന്ന് ചോദ്യത്തിനു അതെ.. പറയൂ എന്ന മറുപടിയും കിട്ടി. "സാറെ.. ഞാനിപ്പോ 20 മിനിറ്റോളം വഴിയിൽ കുടുങ്ങി തിരക്ക് കാരണം. സാറു മൂന്നുമിനിറ്റുപോലും കാത്ത് നിക്കാതെ റോങ് സൈഡ് കയറി പാസ് ചെയ്തത് ശ്രദ്ധയിൽ പെട്ടു. മിക്കവാറും സാധാരണക്കാരും ചെയ്യുന്ന ഫ്രോഡ് പരിപാടി തന്നെ.. തുടർന്നും അവ ആവർത്തിക്കുമ്പോ ദയവായി ആ എമ്മല്ലേ ബോഡ് വാഹനത്തിൽ നിന്ന് എടുത്തു വെക്കൂ... താങ്ങളെ തിരിച്ചറിയാതിരിക്കാൻ അതു ഉപകരിക്കും...."
 
ഓക്കെ..‌ശരി... കൊടുത്തു വിടാം.. ആ ബോഡ് നിങ്ങൾക്ക് കൊടുത്തുവിടാം. എന്നും പറഞ്ഞ് ഫോൺ കട്ടായി.

 വീണ്ടും അതേ നംബറിൽ വിളിച്ചപ്പോ മറ്റൊരു വ്യക്തി ഫോണെടുത്തു. എനിക്ക് രണ്ട് മിനിട്ട് കൂടി സംസാരിക്കാൻ സമയം തരൂ എന്ന് പറഞ്ഞപ്പോ.. *കേൾക്കാൻ സൗകര്യമില്ലാ* എന്ന് പറഞ്ഞ് കാൾ കട്ടാക്കുകയും ചെയ്തു.

ഇതാണു എന്റെ എമ്മല്ലേ...
തെമ്മാടിത്തരം ചെയ്യാൻ ഒട്ടും ഉളിപ്പില്ലാ എന്നു മാത്രമല്ലാ.. അവ‌ ചൂണ്ടിക്കാണിക്കുന്നവർക്ക് ധാഷ്ട്യത്തിലുള്ള മറുപടിയും...
പ്രഫസറാണു.. വിവരനുള്ളവനാണു... സർവോപരി പടച്ചോനെ പേടി ഉള്ളവനാണെന്ന് തോനിപ്പിക്കുന്നവനാണു.... ...

 കൂടൂതൽ ഒന്നും പറയുന്നില്ലാ.... എമ്മല്ലേക്ക് ഒക്കെ അടുപ്പിലും അവാം..


ബ്ലോഗോർമ്മ...!


പെണ്ണുകാണൽ സ്റ്റൈലാക്കാൻ ഓളോടും ഉപ്പാടും കോഴിക്കോട് മാളിൽ വരാൻ പറഞ്ഞ്. കാണലും സംസാരവും ഒക്കെ കഴിഞ്ഞ് ജൂസുകുടിക്കാൻ കൂട്ടുകാരനോടൊപ്പം കടയിൽ കയറി ഇറങ്ങുമ്പോ എതിർ ദിശയിൽ പരിചയ മുഖമുള്ള ഒരാൾ... പെട്ടെന്ന് ക്ലിക്കായില്ല.. ന്നാലും എന്തോ അടുപ്പം... ഓടിച്ചെന്ന് ബാക്കീന്ന് തോണ്ടി ഹാഇ പറഞ്ഞു... പരിചയം ഉള്ളപോലെ എന്ന് പറഞ്ഞപ്പോ ആൾ പറഞ്ഞു 
ഹേയ് വകുപ്പില്ലാ.. ഞാൻ കോഴിക്കോട് കാരനല്ലാ എന്ന്. 
ന്താ ഇവ്വിടെ എന്ന് ചോദിച്ചപ്പോ പറയാ ബ്ലോഗിലെ കുറച്ച് പേർ മാനാഞ്ചിറ സ്കൊയറിൽ കൂടണുണ്ട്.. അവർക്ക് കൊറിക്കാൻ വാങ്ങാൻ ഇറങിയതാന്ന്....
പുള്ളി മൻസൂർ ചെറുവാടി... ഞങ്ങൾ പരസ്പരൻ ഇന്നേവരെ കണ്ടിട്ടില്ലാ.. രണ്ട് കൊല്ലത്തെ ആത്മബന്ധം ഉണ്ട് താനും.. ആ ബദ്ധമാകാം കണ്ടപ്പോ അറിയുന്ന ആളാന്ന് മനസ്സ് പറഞ്ഞത്.
സന്തോഷത്തോടെ ബ്ലോഗ് കൂട്ടത്തോടൊപ്പം ചേർന്നു... പത്തിരുപത് പേർ ഉണ്ട്...
ബെർളി കോഴിക്കോട് മനോരമയിൽ ആണെന്ന് ആരോ പറഞ്ഞപ്പോ പണ്ടെന്നോ സേവ് ചെയ്ത നംബറിൽ ആദ്യമായി വിളിച്ചു. ബ്ലോഗർ കൂതറഹാഷിമാണു...
അതിനു എന്നാ വേണം..?
കാണണം.. മാനാഞ്ചിറ സ്കോറിൽ വാ..
പറ്റില്ല ‌... പണിയിലാണു.
ഓക്കെ എന്നാ എല്ലാരൂടെ അങ്ങോട് വരാം...
.. വേണ്ടാ.. പത്തുമിനിട്ട്.. ഞാൻ വരാം...
പുള്ളി വന്നു.. ഞങ്ങളൊക്കെ ത്രില്ലടിച്ചു നിക്കാ... ചുള്ളൻ ബെർളി.. ചിരിച്ചോണ്ട് കുറേ സംസാരിച്ചു.. എല്ലാവരും കൂടെ നിന്ന് പടമെടുക്കാൻ ധൃതികൂട്ടി... പത്ത് മിനിട്ട് നിന്ന് പുള്ളി പോയി.. ബ്ലോഗ് പുലിയെ കണ്ട ഞങൾക്കും കുറേ സന്തോഷം...
രണ്ട് മിനിട്ട് കഴിഞ്ഞപ്പൊ ബെർളീടെ കാൾ... "ഹാഷിമേ പണിപാളി.. മാനാഞ്ചിറ സ്കോറിൽ നിന്നിറങ്ങുമ്പോ ഒരു പയ്യൻ വന്ന് നിങ്ങൾ സിനിമാ നടനല്ലേ എനിക്കും ഒരു ഫോട്ടോ എടുക്കണം ന്ന് പറഞ്ഞ് എന്നെ വിടാതെ നിർത്തിയേക്കാ.." എന്ന്...
ഞങ്ങൾ കുറേ ചിരിച്ചു.. ഞങളുടെ പടം പിടിക്കാനുള്ള ആക്രാന്തം കണ്ടപ്പോ പയ്യൻ കരുതി ബെർളി സിനിമാ നടനാണെന്ന്.... പയ്യനെ കുറ്റം പറയാൻ പറ്റില്ലാ.. ബെർളിയും കാണാൻ ചുള്ളനാാ

പുനർ പരീക്ഷാ എന്ന കടുത്ത മനുഷ്യാവകാശ ലംഘനം..!! മനുഷ്യാവകാശ സമിതിക്ക് സമർപ്പിച്ച പരാതി


28-03-2017

പ്രേക്ഷിതൻ
ഹാഷിം കൊളംബൻ
കൊളംബോ ഹൌസ്
എടയൂർ പോസ്റ്റ്
വളാഞ്ചേരി – മലപ്പുറം കേരളം 676552

സ്വീകർത്താവ്
മനുഷ്യാവകാശ കമ്മീഷൻ
കേരള സംസ്ഥാനം

വിഷയം: ലക്ഷക്കണക്കിനു വിദ്യാർത്ഥികളേയും രക്ഷിതാക്കളേയും ബാധിക്കുന്ന മനുഷ്യാവകാശ ലംഘനത്തെ കുറിച്ച്..


സർ,
2016 -17 അധ്യായന വർഷത്തിലെ ഇക്കഴിഞ്ഞ പത്താം തരം കണക്ക് പരീക്ഷ ചില സാങ്കേതിക തകരാർ മൂലം കുട്ടികൾ വീണ്ടും എഴുതേണ്ടിവരുന്ന സാഹചര്യത്തിൽ, തത് വിഷയത്തിൽ നടക്കുന്ന മനുഷ്യാവകാശ ധ്വംസനത്തെ കുറിച്ച് കമ്മീഷന്റെ മുമ്പായി ചില വസ്തുതകൾ സമർപ്പിക്കുന്നു.
 ലക്ഷക്കണക്കിനു വരുന്ന കുട്ടികളേയും അതിനിരട്ടിയോളം വരുന്ന മാതാപിതാക്കളേയും മാനസിക സമ്മർദ്ധത്തിലാക്കും വിധം 2016 - 17 വർഷത്തെ പത്താം തരം കണക്ക് പരീക്ഷ വീണ്ടും എഴുതണം എന്നാണ് കേരളാ വിദ്യാഭ്യാസ വകുപ്പ് പറയുന്നത്.
ഒന്നാം ക്ലാസ് മുതൽ പത്ത് വർഷത്തോളം ഉള്ള മെട്രിക്കുലേഷൻ സംവിധാനത്തിലെ ഏക പൊതു പരീക്ഷയായ പത്താം തരം പരീക്ഷ വിദ്യാർത്ഥികളും അവരുടെ രക്ഷിതാക്കളും വളരെ ഗൌരവത്തോടെ തന്നെയാണു കാണുന്നത്. ഗൌരവത്തിനനുസരിച്ചുള്ള അങ്കലാപ്പും ആശങ്കയും തത് വിഷയത്തിൽ സ്വാഭാവികമായും ഉണ്ടാവുകയും ചെയ്യും.

 കുട്ടികൾ വളരെയധികം പ്രയത്നിച്ചും ആശങ്കാകുലരായും മാനസിക പിരിമുറുക്കം അനുഭവിച്ചും ഒക്കെ തന്നെയാണു പരീക്ഷയിൽ പങ്കെടുക്കുന്നത്. അവയെല്ലാം സഹിച്ച കുട്ടികൾ വീണ്ടും അവ നിർബന്ധപൂർവം ആവർത്തിക്കപ്പെടണം എന്ന വിദ്യാഭ്യാസ വകുപ്പിന്റെ നിലപാട് തികച്ചും മനുഷ്യാവകാശ ലംഘനം തന്നെയാണ്.

 അക്കമിട്ട് താഴെ പറയുന്ന കാര്യങ്ങളിലേക്ക് സമിതിയുടെ ശ്രദ്ധ ക്ഷണിക്കുന്നു.

1. പുനർ പരീക്ഷയിലൂടെ കുട്ടികൾ അനുഭവിക്കുന്ന മാനസിക സമ്മർദ്ധം / വിദ്യാഭ്യാസ വകുപ്പ് കുട്ടികൾക്ക് നൽകുന്ന അതിക മാനസിക പീഢനം

 2. പരീക്ഷ കഴിഞ്ഞു എന്ന ധാരണയിൽ നഷ്ടപ്പെടുത്തിയ പഠന പുസ്തകങ്ങളും നോട്സുകളും മറ്റ് പാഠ്യ ഉപകരണങ്ങളും പുനർ പരീക്ഷക്കായി കുട്ടികൾക്ക് എവിടെ നിന്ന് ലഭ്യമാകും എന്ന അരക്ഷിതാവസ്ഥ.

 3. പുനർ പരീക്ഷക്കായുള്ള യാത്രക്കും മറ്റും കുട്ടികളും മാതാപിതാക്കളും ചിലവാക്കുന്ന അതിക തുക ഉണ്ടാക്കുന്ന സാമ്പത്തിക സമ്മർദ്ധം

 4. പരീക്ഷയിൽ നിന്നും ഒഴിഞ്ഞ് ഉല്ലാസങ്ങൾക്കായി ക്രമീകരിച്ച യാത്രകളും ടൂർ പ്രോഗ്രാമുകളും അവക്ക് ചിലവാക്കിയ തുക നൽകുന്ന സാമ്പത്തിക നഷ്ട്ടം പ്രത്യേകിച്ച് വിദേശങ്ങളിൽ ജോലി ചെയ്യുന്ന മാതാപിതാക്കൾ പരീക്ഷ കഴിയുന്നതോടെ കുട്ടികളെ അവരുടെ അടുക്കലേക്ക് കൊണ്ട് പോകാനായി ഒരുക്കിയ വിസ, വിമാന ടിക്കറ്റ്, മറ്റ് താമസ ക്രമീകരണങ്ങൾ എന്നിവ താളം തെറ്റുന്നതിലൂടെ ഉണ്ടാകുന്ന ഭീമമായ പണ നഷ്ട്ടം.

5. പരീക്ഷ നടത്തിപ്പ് പിഴവ് കുട്ടികളിൽ ഉണ്ടാക്കിയ അരക്ഷിതാവസ്ഥയും, താൻ അധ്യായനം നടത്തുന്ന വിദ്യാഭ്യാസ വകുപ്പിനു വരെ കാര്യപ്രാപ്തി ഇത്രയേ ഉള്ളൂ എന്ന് കുട്ടികൾ മനസ്സിലാക്കുന്നതിലൂടെ അവരിൽ ഉണ്ടാകുന്ന ആശയക്കുഴപ്പവും അതുമൂലം അവരുടെ സ്വഭാവത്തിൽ പ്രതിഫലിക്കുന്ന ലാഘവ മനോഭാവവും

 മുകളിൽ അക്കമിട്ട് പറഞ്ഞ എല്ലാ കാര്യങ്ങളും വിദ്യാർഥികളേയും രക്ഷിതാക്കളേയും കടുത്ത മാനസിക സമ്മർദ്ധത്തിലാക്കുന്നവയാണ്. പുനർ പരീക്ഷക്ക് തയ്യാറെടുക്കാൻ നിർദ്ധേശിക്കുക വഴി വിദ്യാഭ്യാസ വകുപ്പ് കുട്ടികളെ ഉൾപ്പെടെ ലക്ഷക്കണക്കിനു ആളുകളെ മാനസികമായി പീഢിപ്പിക്കാൻ മുതിരുകയാണ്.

 വിദ്യാഭ്യാസ വകുപ്പിന്റെ കെടുകാര്യസ്ഥതമൂലം നിരപരാധികളായ കുട്ടികൾ അനുഭവിക്കാനിരിക്കുന്ന പീഢനത്തിൽ നിന്ന് കുട്ടികൾക്കും രക്ഷിതാക്കൾക്കും നിയമം മൂലം ലഭ്യമായ എല്ലാ പരിരക്ഷയും ലഭിക്കണമെന്നും, നിർബദ്ധിതാവസ്ഥയിൽ പരീക്ഷ എഴുതിക്കുന്ന പക്ഷം അവ ഉണ്ടാക്കുന്ന മാനസിക സമ്മർദ്ധത്തിനും മറ്റ് സാമ്പത്തിക ചിലവുകൾക്കും തക്കതായ നഷ്ട്ടപരിഹാരമായി ഒരു ലക്ഷംരൂപ ഓരോ വിദ്യാർഥിക്കും എന്ന നിലയിൽ നഷ്ട്ടപരിഹാരം ലഭ്യമാക്കണമെന്നും അപേക്ഷിക്കുന്നു.
നിരപരാധികളായ കുട്ടികളെ ഇവ്വിധം കഷ്ട്ടപ്പെടുത്തി അവരുടെ മനക്കരുത്ത് അപ്പാടെ നശിപ്പിക്കും വിധമുള്ള ഇത്തരം ഗുരുതരമായ തെറ്റുകൾ മേലിൽ ആവർത്തിക്കാതിരിക്കാനുള്ള നിയമ പരിരക്ഷയും താഴ്മയോടെ ആവശ്യപ്പെടുന്നു.

 നടപ്പ് വ്യവസ്ഥയിൽ മറ്റ് പോംവഴികളില്ലാ എന്ന ലാഘവ നിലപാടിൽ സമിതി എത്തിച്ചേരില്ല എന്ന വിശ്വസ്ഥതയോടെ.

 ഹാഷിം കൊളംബൻ